Mik Džahier paśmiajaŭsia ź niaviedańnia Trampam historyi
Fota ź Vikipiedyi
Padčas kancerta lidar The Rolling Stones, brytaniec Mik Džahier vyśmiejaŭ prezidenta ZŠA Donalda Trampa. Pra heta paviedamlaje The Independent.
Artyst zhadaŭ pamyłku, jakuju Tramp dapuściŭ u pramovie, prymierkavanaj da śviatkavańnia Dnia niezaležnaści ZŠA. 4 lipienia kiraŭnik krainy zajaviŭ, što amierykanskaja armija zachoplivała brytanskija aeraporty padčas vajny 1775 hoda — bolš čym za stahodździe da źjaŭleńnia pieršych samalotaŭ.
Mik Džahier skazaŭ, što Dzień niezaležnaści ZŠA zaŭsiody byŭ «kranalnym śviatam dla nas, brytancaŭ». «Nasamreč prezident vykazaŭ vielmi dobruju dumku ŭ svaim vystupie napiaredadni viečaram. Kali b tolki ŭ brytancaŭ byli aeraporty, dla nas usio mahło b skłaścisia inakš», — pažartavaŭ artyst.
Pamyłka Trampa vyklikała furor i šmat žartaŭ u internecie.