Na advakatku dvojčy apraŭdanaha inžyniera MZKC zaviali spravu. A pry pieratrusie jašče i znajšli pistalet

U adnosinach namieśnicy staršyni Minskaj haradskoj kalehii advakataŭ zaviedzienyja dźvie kryminalnyja spravy. Pra heta paviedamlaje sajt MUS.

Adzinaja namieśnica staršyni Minskaj haradskoj kalehii advakataŭ — Viera Areška.

Jana paśpiachova abaraniaje byłoha hałoŭnaha inžyniera MZKC Andreja Hałavača. Jaho situacyja ŭnikalnaja — jon znachodzicca ŭ śledčym izalatary ŭžo piaty hod, ale pasadzić jaho nijak nie mohuć.

Pieršaja kryminalnaja sprava ŭ adnosinach advakatki źviazana mienavita z hetaj situacyjaj. Pravaachoŭniki ličać, što jana vydała materyjały pa spravie Hałavača. Maksimalna mahčymaje pakarańnie za heta — 3 hady abmiežavańnia svabody.

Pry pieratrusie ŭ advakatki znajšli… pistalet Walter mod. 1938 (R.38) i patrony da jaho. Pravaachoŭniki zapeŭnivajuć, što zbroja prydatnaja dla stralby. Pa hetaj kryminalnaj spravie advakatcy moža pahražać źniavoleńnie na siem hadoŭ.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0