Vymahalniki sprabavali atrymać €500 ad 24-hadovaj žycharki Maładziečna, pahražajučy apublikavać jaje intymnyja foty
Milicyja Maładziečna vyśviatlaje asobu złamyśnikaŭ, jakija sprabavali atrymać 500 jeŭra ad 24-hadovaj žycharki Maładziečna.
Złamyśniki hrazilisia apublikavać u internecie intymnyja fatahrafii žycharki Maładziečna. Pa dapamohu dziaŭčyna źviarnułasia ŭ milicyju.
Apieratyŭniki vyśvietlili, što žycharka Maładziečna ŭ Maskvie ŭdzielničała ŭ fotasiesii.
Kančatkovy pradukt rasijski fatohraf dasłaŭ u miesiendžary.
Svaje zdymki žančyna vyrašyła pakazać siabroŭkam i adpraviła ich u pryvatnaj pierapiscy. Paźniej u sacsietcy žančynie napisała nieviadomaja hramadzianka. Jana paviedamiła, što maje jaje intymnyja fatahrafii i moža razasłać siabram.
Za nieraspaŭsiudžvańnie fajłaŭ nieznajomka zapatrabavała vysłać 500 jeŭra ŭ kryptavalucie na elektronny kašalok.
Adnak zamiest hetaha dziaŭčyna źviarnułasia ŭ pravaachoŭnyja orhany. Zaviali kryminalnuju spravu pa č. 1 art. 208 KK Respubliki Biełaruś «Vymahalnictva».
Fatahrafii biełaruski, zroblenyja ŭ maskoŭskaj fotastudyi, byli raźmieščany na italjanskim eratyčnym sajcie.
Pasłańni z pahrozami dziaŭčynie pisali ŭ sacsietcy z-za miažy, skarystaŭšysia fejkavym akaŭntam. Znajści internet-vymahalnika ŭ padobnych vypadkach amal niemahčyma.
