U Połacku zabili 77-hadovaha piensijaniera i zakapali ŭ dvary doma
Viečaram 26 červienia 2019 hoda ŭ połackuju milicyju źviarnułasia 67-hadovaja žančyna i paviedamiła ab tym, što ŭviečary 5 maja 2019 hoda z domu syšoŭ jaje sužyciel i da hetaha času nie viarnuŭsia, paviedamlaje Śledčy kamitet.
Dniom 5 lipienia milicyjaniery znajšli cieła piensijaniera na dvarovaj terytoryi žychara Połacka.
Pavodle śledstva, dniom 16 maja 70-hadovy mužčyna, znachodziačysia doma, paśla sumiesnaha raśpivańnia ałkaholu i raptoŭnaj svarki pryčyniŭ cialesnyja paškodžańni 77-hadovamu paciarpiełamu, jaki pamior na miescy zdareńnia. Praź niekatory čas mužčyna zakapaŭ cieła svajho znajomaha ŭ dvary.
Zaviali kryminalnuju spravu pa p.2 č.2 art.139 Kryminalnaha kodeksa Respubliki Biełaruś (zabojstva zaviedama sastarełaha). Padazravanaha zatrymali. Vyśviatlajucca abstaviny zdareńnia. Rasśledavańnie praciahvajecca.
