Pad Biełaazierskam u «Mersedes» nabiłasia 10 čałaviek: pry avaryi zahinuli troje dziaciej i dvoje darosłych
Śmiarotnaje DTZ adbyłosia niepadalok ad Biełaazierska ŭ rajonie Biarozaŭskaj DRES, paviedamili ŭ milicyi. Papiarednie viadoma, što kiroŭca aŭtamabila «Miersiedec GL» pierakuliŭsia ŭ adzin z kanałaŭ, pa jakich vada padvodzicca dla achałodžańnia katłoŭ elektrastancyi i advodzicca ad jaje.
Zahinuli na miescy piaciora — troje dziaciej i dvoje darosłych (mužčyna i žančyna). Pry hetym, u aŭtamabili znachodzilisia 10 čałaviek! Jak stała viadoma, heta piaciora mužčyn, dźvie žančyny i troje małaletnich dziaciej.
Piaciora darosłych vybralisia samastojna z kanała, u tym liku kiroŭca. Pieršapačatkova paviedamlałasia, što zahinuli dvoje dziaciej i viaducca pošuki treciaha.
Potym źjaviłasia ŭdakładnienaja infarmacyja: zahinuli 4-hadovaja dziaŭčynka, 9-hadovy chłopčyk, paźniej było znojdziena cieła 9-hadovaj dziaŭčynki.
Taksama stała viadoma, što 31-hadovy kiroŭca byŭ pjany. Jon užo byŭ pazbaŭleny prava kiravańnia transpartnym srodkam za «pjanuju jazdu» ŭ 2009 hodzie.
Na miescy zdareńnia pracujuć supracoŭniki dziaržaŭtainśpiekcyi, vyratavalniki, śledča-apieratyŭnaja hrupa MUS.
