Tym, chto nie choča zaležać ad adklučeńniaŭ haračaj vady letam, mer Minska raić kupić inšuju kvateru
Pastupova Minsk piarojdzie na indyvidualny padahreŭ vady i ciepłazabieśpiačeńnie za košt elektraenierhii, adnak hety praces nie budzie chutkim.
Takoje mierkavańnie vykazaŭ staršynia Minharvykankama Anatol Sivak padčas pramoj telefonnaj linii, pieradaje karespandent BiełTA.
Tym, chto nie choča zaležać ad adklučeńniaŭ haračaj vady letam, mer Minska raić razhladać kuplu kvatery, u jakoj haračaje vodazabieśpiačeńnie nie centralizavanaje.
«Užo raspracoŭvajucca prajekty takich damoŭ, ciepłazabieśpiačeńnie i padahreŭ vady ŭ jakich idzie za košt elektraenierhii», — skazaŭ Anatol Sivak, padkreśliŭšy, što z ulikam uvodu BiełAES praces budzie tolki raźvivacca. «Pieravodzić isnujučyja damy na novuju schiemu — tut jość pytańnie efiektyŭnaści, — dadaŭ mer Minska. — Ale pastupova my piarojdziem na indyvidualny padahreŭ za košt elektraenierhii».
Pryčym hety praces zakranie i indyvidualnaje žyllo, upeŭnieny Anatol Sivak.
