«Pacyjent udaryŭ kiroŭcu chutkaj u tvar. Ale pryčyna śmierci — tromb»
5 lipienia ŭ Maładziečnie kiroŭca chutkaj dapamohi pamior paśla ŭdaru ad pacyjenta. Kalehi pamierłaha raskazali «Našaj Nivie» padrabiaznaści zdareńnia.
Čytajcie. U Maładziečnie pacyjent nie chacieŭ vychodzić z mašyny chutkaj dapamohi i ŭdaryŭ kiroŭcu. Toj pamior
«Vyklik ab tym, što na čyhunačnym vakzale ŭ čałavieka zdaryŭsia prystup epilepsii, pastupiŭ a 6-j hadzinie ranicy. Na vyklik vyjechała bryhada, dastavili čałavieka ŭ balnicu №2. Kali vyvodzili z mašyny, pacyjent staŭ supraciŭlacca, machaŭ rukami. A bryhada była žanočaja. Žančyna doktar, žančyna fielčar i sanitarka… Jany sami nie dali jamu rady.
Tady kiroŭca pasprabavaŭ skrucić jamu ruki zzadu. Pacyjent udaryŭ kiroŭcu rukoj u tvar.
Vyklikali milicyju, psichijatryčnuju bryhadu. Pacyjenta, zdajecca, supakoili, zakryli ŭ mašynie chutkaj. Miedyki pajšli ŭ pryjomny pakoj afarmlać pacyjenta. Kiroŭca zastaŭsia ŭ mašynie dziažuryć.
Kali praź niekalki chvilin bryhada viarnułasia da mašyny, jany ŭbačyli, što pacyjent śpić, a kiroŭca biez prytomnaści.
Kalehi kažuć, što pryčyna śmierci — tromb u arteryi.
Pacyjenta ŭziali pad vartu. Jen viadomy nam klijent. Mužčyna vieŭ asacyjalnaje žyćcie, badziaŭsia pa vakzałach», — raskazaŭ Alaksandr, kaleha pamierłaha.
Kiroŭcu Siarhieju Š. było 62 hady.
