DAI prapanuje ŭvieści hradacyi apjanieńnia
DAI prapanavała ŭvieści hradacyju pa stupieni apjanieńnia i zrabić bolš žorstkaj adkaznaść za kiravańnie aŭtamabilem u pjanym vyhladzie. Pra heta ŭ efiry ANT raspavioŭ načalnik DAI Biełarusi Dźmitryj Karziuk, paviedamlaje Tut.by.
Pa słovach Karziuka, DAI prapanavała padzialić stan ałkaholnaha apjanieńnia kiroŭcy.
Pieršaja stupień - ad 0,3 da 0,79 pramile ałkaholu. Dla hetaj katehoryi parušalnikaŭ pavialičać štraf da 100 BV (raniej ad 50 da 100). Termin pazbaŭleńnia prava kiravańnia zastaniecca tym ža — 3 hady.
Druhaja hradacyja — ad 0,8 pramile i bolš. Takim kiroŭcam budzie pahražać štraf u 200 bazavych vieličyń (5100 rubloŭ) i pazbaŭleńnie pravoŭ na 5 hadoŭ.
- Hetaje ŭzmacnieńnie žorstkaści my ŭzhadnili z usimi zacikaŭlenymi viedamstvami. Pry pierapracoŭcy kodeksa, ja dumaju, hetaja norma budzie ŭniesiena, — reziumavaŭ hałoŭny daišnik krainy.