Novyja tempieraturnyja minimumy ŭstanoŭleny ŭ niekalkich haradach
Novyja tempieraturnyja minimumy ŭstanoŭleny ŭ Brahinie, Vilejcy, Vałožynie i Słaŭharadzie ŭ noč na 4 lipienia, paviedamlaje BiełTA.
Jašče niadaŭna ŭ Biełarusi była śpiakota, pastajanna abnaŭlalisia tempieraturnyja maksimumy za ŭvieś pieryjad mieteanazirańniaŭ. Ciapier ustalavałasia chałodnaje nadvorje, i hetaj nočču byli ŭstalavanyja absalutnyja minimumy tempieratur u čatyroch nasielenych punktach: Brahinie — plus 6,8 (7,1 hradusa ciapła ŭ 2004-m), Vilejcy — plus 6,6 (7 u 1992-m ), Vałožynie — plus 6,5 (8,3 u 2017-m), Słaŭharadzie — plus 7,9 hradusa (8 u 2004-m)», — raspaviali ŭ Biełhidramiecie.
Absalutny tempieraturny minimum ahułam pa krainie na 4 lipienia byŭ adznačany na mieteastancyi Paleskaja ŭ 1982 hodzie i skłaŭ plus 3,2 hradusa. Siońnia nočču hety rekord nie byŭ pabity.
U najbližejšyja dni ŭ Biełarusi čakajecca niaŭstojlivaje vietranaje nadvorje z tempieraturnym fonam na 3-5 hradusaŭ nižej za klimatyčnuju normu. Na 5 lipienia abvieščany aranžavy ŭzrovień niebiaśpieki z-za mocnaha vietru.
