Papa Francišak padaryŭ Pucinu miedal z nadpisam «Usio možna stracić u vajnie»
U čaćvier, 4 červienia, papa rymski Francišak pravioŭ pieramovy z prezidentam Rasii Uładzimiram Pucinym, pierad jakimi baki abmianialisia padarunkami.
Jak paviedamlaje RBK, pantyfik pieradaŭ Pucinu hraviuru ź vidam płoščy Śviatoha Piatra pracy Džuzepe Vazi 1774 hoda i pasłańnie da Suśvietnaha dnia miru 2019 hoda.
Akramia taho, jon padaryŭ prezidentu Rasii miedal u honar šostaha hoda pantyfikatu, pryśviečany 100-hodździu zakančeńnia Pieršaj suśvietnaj vajny.
Na miedali vyhraviravany nadpis: «Ništo nie hublajecca ź miram. Usio možna stracić u vajnie». Heta cytata z radyjozvarotu papy Pija XII ad 24 žniŭnia 1939 hoda.
U svaju čarhu, Pucin padaryŭ papu Francišku abraz z vyjavaj apostałaŭ Piatra i Paŭła, a taksama dysk ź filmam Andreja Kančałoŭskaha «Hrech» pra Mikiełandžeła.
