U ZŠA nazvali sapraŭdnuju metu AS-31 «Łašaryk», što paciarpieła katastrofu ŭ Barencavym mory
Atamnaja hłybakavodnaja stancyja AS-31 «Łašaryk» pryznačanaja dla razhortvańnia ŭ Paŭnočnaj Atłantycy, miarkuje Vajenna-marski instytut ZŠA.
Amierykanskaja ekśpiertnaja arhanizacyja, kamientujučy zdareńnie z pažaram na rasijskim navukova-daśledčym hłybakavodnym aparacie, piša, što «avaryja adbyłasia padčas letniaha pieryjadu ekspłuatacyi łodak Hałoŭnaha ŭpraŭleńnia hłybakavodnych daśledavańniaŭ Minabarony Rasii, što papiaredničajuć pracam pa razhortvańni ŭ Paŭnočnaj Atłantycy.
The Barents Observer udakładniaje, što AS-31 «Łašaryk» moža «transpartavać nievialikija pryłady dla vajennych metaŭ, pryznačanyja dla raźmiaščeńnia na marskim dnie». «Takija pryłady mohuć być vykarystany dla adciahnieńnia ŭvahi zamiežnych padvodnych łodak, kali rasijskija submaryny pakidajuć Kolski paŭvostraŭ i iduć u Paŭnočnuju Atłantyku. Inšyja pryłady dla padsłuchoŭvańnia mohuć vyjaŭlać huki varožych karabloŭ», — piša narviežskaje vydańnie.
Tym nie mienš, kažučy ab kankretnych metach apošniaj misii AS-31 «Łašaryk», u Vajenna-marskim instytucie ZŠA miarkujuć, što «rasijski ŭrad vykarystaŭ mahčymaści padvodnaha apuskańnia dla pašyreńnia terytaryjalnych damahańniaŭ Rasii na marskoje dno pad Paŭnočnym Ledavitym akijanam».