Dačka Aleha Hajdukieviča trapiła ŭ reanimacyju
Małodšaja dačka palityka Aleha Hajdukieviča trapiła ŭ reanimacyju.
Pra heta sam Hajdukievič paviedamiŭ u fejsbuku.
«Hetyja čatyry dni byli adnymi z horšych u maimi žyćci. Maja dačka trapiła ŭ reanimacyju. Tak zdarajecca. Ja jašče nie adzin raz skažu «Dziakuj!» daktaram minskaj abłasnoj dziciačaj balnicy: chirurham, reanimatołaham. Jany ratujuć žyćci, ratujuć kožny dzień. Vyratavali i maju dačku», — napisaŭ Hajdukievič.
Jon raspavioŭ «Našaj Nivie», što ŭ dački zdaryŭsia prystup apiendycytu.
«U dački byŭ kiepski apiendycyt: vostry z uskładnieńniami. Jana trapiła ŭ reanimacyju. Dačka jašče zusim małaja, my z žonkaj mocna pierapałochalisia.
Nizka kłaniajusia daktaram, što vyratavali. Nie pieršy raz pierakonvajusia, što ŭ nas daktary z załatymi rukami.
Kryzis prajšoŭ, ale dačka pakul jašče ŭ balnicy», — paviedamiŭ Aleh Hajdukievič.