Trybuna Łukašenki na paradzie budzie z kandycyjanieram

U Minsku zakančvajecca padrychtoŭka da vajennaha parada da Dnia Niezaležnaści — jon projdzie viečaram 3 lipienia. Užo pastavili trybuny, vielizarnyja śviatłodyjodnyja ekrany, dadatkovaje aśviatleńnie. A za VIP-trybunaj, ź jakoj za paradam naziraje Alaksandr Łukašenka i jaho nabližanyja asoby, pastavili vializny pramysłovy kandycyjanier, piša kp.by

Aparat viadomaj japonskaj firmy Daikin važyć 580 kiłahram i maje mahutnaść astudžeńnia — 35,5 kiłavat. Dla paraŭnańnia, mahutnaść zvyčajnych chatnich split-sistem — 2—3 kiłavaty. Vializnyja termaŭstojlivyja truby ad kandycyjaniera zaviedzieny pad trybunu. Vierahodna, ź ich chałodnaje pavietra budzie astudžać prezidenta i inšych VIP-haściej.

Taki kandycyjanier zvyčajna staviać na dach, jon moža astudžać pavietra ŭ pamiaškańni płoščaj 100 kvadratnych mietraŭ. Košt takoha kandycyjaniera — kala 20 tysiač jeŭra.

Raniej Alaksandr Łukašenka kazaŭ, što nie lubić śpiakotu i plažny adpačynak.

— Naohuł tryvać nie mahu, — kazaŭ jon.

Fota Hienadzia Mažejki, kp.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0