Ajčym tak źbivaŭ dziahaj dziaciej za kiepskija adznaki, što jana parvałasia
Fota SK
Zdareńnie adbyłosia ŭ krasaviku u Mahilovie. 32-hadovy mužčyna źbiŭ dziahaj dziaciej 28-hadovaj žonki (jon nie źjaŭlajecca ich baćkam), chłopčykaŭ vaśmi i dzieviaci hadoŭ. U škole piedahohi źviarnuli ŭvahu na siniaki ŭ dziaciej i źviarnulisia ŭ milicyju.
Było ŭstanoŭlena, što za drennuju paśpiachovaść mužčyna nanios dzieciam šmatlikija ŭdary, ad jakich parvaŭsia remień. Maci ŭ hety čas trymała chłopčykaŭ. Aboje byli pjanyja. Pa vynikach sudova-miedycynskaj ekśpiertyzy na ciele kožnaha chłopčyka było nie mienš za 23 paškodžańni, piša SK.
Chłopčyki ŭžo i raniej nakiroŭvalisia ŭ sacyjalna-piedahahičny centr, kali ich maci adbyvała pakarańnie za kradziež. Siamja znachodzicca ŭ sacyjalna-niebiaśpiečnym stanoviščy.
Mužčynu i žančynie pradjaŭlenaje abvinavačvańnie pa č.2 ar.154 (katavańnie, ździejśnienaje ŭ dačynieńni da niepaŭnaletniaha). Jany źmieščanyja pad vartu, a dzieci pieradadzienyja ŭ sacyjalna-piedahahičny centr.
U siamji jość jašče i starejšy chłopčyk, jamu 11 hadoŭ
