KDB aryštavaŭ zasnavalnika akumulatarnaha zavoda Lemiašeŭskaha za chabar
Tut.by
Hienieralnaj prakuraturaj u adpaviednaści z daručeńniem kiraŭnika dziaržavy pravodzicca pravierka pa situacyi, źviazanaj z budaŭnictvam i ŭviadzieńniem u ekspłuatacyju akumulatarnaha zavoda ŭ Breście.
U vytvorčaść Hienprakuraturaj pryniatyja kryminalnyja spravy, raspačatyja KDB pa art. 430 (atrymańnie chabaru) i 431 (dača chabaru), u dačynieńni da Viktara Lemiašeŭskaha, kiraŭnika TAA «PAK-kiravańnie»; Śviatłany Lemiašeŭskaj, hałoŭnaha buchhałtara TAA «Bielinviesttorh-Spłaŭ»; Siarhieja Achremčuka, raniej dyrektara TAA «Bielinviestarh-Spłaŭ», a zaraz načalnika adździeła techničnaha raźvićcia hetaha ž tavarystva; Ivana Pakiśluka, namieśnika dyrektara TAA «Bielinviestarh-Spłaŭ».
1 lipienia da hetych asobaŭ prymieniena miera strymańnia ŭ vyhladzie zaklučeńnia pad vartu.
Taksama pa inicyjatyvie Hienieralnaj prakuratury abnoŭlena śledstva pa prypynienych kryminalnych spravach u dačynieńni da indyvidualnych pradprymalnikaŭ Dźmitryja Rudskoha i Siarhieja Žukoviča, zaviedzienych pa faktach parušeńnia ekałahičnaha i padatkovaha zakanadaŭstva. U dačynieńni da zhadanych asobaŭ taksama ŭžyta miera strymańnia ŭ vyhladzie zaklučeńnia pad vartaj.
Akramia taho, u chodzie śledstva budzie dadziena pravavaja acenka dziejańniam i inšych słužbovych asob, u tym liku dziaržaŭnych orhanaŭ.