Kiraŭnika ofisa prezidenta Ukrainy zaŭvažyli na viečarynie z rasijskim artystam Arturam Piražkovym VIDEA
Kiraŭnik ofisa prezidenta Ukrainy Andrej Bohdan u Dzień Kanstytucyi Ukrainy naviedaŭ kancert rasijskaj pop-zorki Artura Piražkova (sapraŭdnaje imia — Alaksandr Reva) u kijeŭskim načnym kłubie QUEEN.
Adpaviednaje videa apublikavaŭ telehram-kanał «UP. Off the record», na jakim bačna, jak kiraŭnik ofisa prezidenta Ukrainy viesialicca na vystupie rasijskaha artysta Artura Piražkova i Śviatłany Łabady ŭ načnym kłubie.
«Naohuł kažučy, artyst Alaksandr Reva — hramadzianin Ukrainy. Vielmi patryjatyčny chłopiec», — skazaŭ Bohdan u kamientary vydańniu the Babiel.
Alaksandr Reva sapraŭdy źjaŭlajecca hramadzianinam Ukrainy. Jon — udzielnik rasijskaha teleprajekta Comedy Club, kamiedyjny akcior, šoŭmien, akcior dublažu. Naradziŭsia ŭ vieraśni 1974 hoda ŭ Daniecku.
Z 1995 — udzielnik kamandy KVZ Daniecka. Z 2000 — udzielnik kamandy KVZ DPI «Drym Cim», a paśla «Utomlennyje sołnciem» horada Sočy (Rasija).
Z 2006 hoda — rezident maskoŭskaha Comedy Club.
