Jak u Minsku zdymajuć apošnija kadry błokbastara pra Janku Kupału FOTAREPARTAŽ
«Biełaruśfilm» stvaraje vialikaje unikalnaje i, hałoŭnaje, nacyjanalnaje kino pra los narodnaha paeta Biełarusi Janki Kupały. Taki prajekt čakali daŭno, i jamu pradrakajuć jarkuju budučyniu. U hetyja dni zdymajuć apošnija kadry karciny. Žurnalisty 27 červienia stali śviedkami padziej 1912 hoda, jakija adbyvalisia ŭ Paŭłaŭskim parku Sankt-Pieciarburha, kali adbyłasia pieršaja sustreča Paŭliny Miadziełki i paeta. Karespandentam BIEŁTA pradstaviłasia mahčymaść nie tolki akunucca ŭ atmaśfieru stohadovaj daŭniny, ale i bližej paznajomicca z hierojami taho času.
U Centralnym bataničnym sadzie razharnuŭsia tvorčy sałon Sankt-Pieciarburha pačatku minułaha stahodździa, naviedvalnikami jakoha stali teatrały, akciory, piśmieńniki. Mienavita tam i znajomiacca Janka Kupała i Paŭlina Miadziełka, rolu jakoj vykonvaje aktrysa Vieranika Plaškievič.
Źjaviŭsia trejler filma «Kupała» — i jon sapraŭdy kłasny VIDEA
«Hetaja vielmi cikavaja rol aktrysy, jakaja była jarkaj žančynaj i muzaj paeta. Jana blizkaja mnie i zrazumiełaja, mahčyma, my navat u čymści padobnyja, choć koler vačej pryjšłosia źmianić na błakitny, — raspaviała jana. — Samaj składanaj scenaj, mabyć, stała rasstańnie z Kupałam, jakaja nie pakinie abyjakavym nivodnaha hledača».
Niedaloka ad nas na łaŭcy raźmiaściŭsia i sam hałoŭny hieroj — Janka Kupała, jakoha vykonvaje łatvijski akcior Mikałaj Šastak. «Jon cudoŭny partnior, vielmi tonki, udumlivy, hłyboka pranikalny ŭ rolu, ź im pracavać lohka — heta sapraŭdny bajavy tavaryš. Ja dumaju, što budzie sapraŭdy vybitnaja karcina», — adznačyła Vieranika Plaškievič.
Jak nam udałosia vyśvietlić, paŭdzielničać u masoŭcy moža luby žadajučy. Dla hetaha nieabchodna ŭsiaho ničoha — zapoŭnić ankietu pa ŭzory, raźmieščanym na sajcie kinastudyi, i adpravić jaje pa adrasie [email protected].