BRSM ładzić usiebiełaruski Dzień vyšyvanki
Napiaredadni 3 Lipienia BRSM arhanizuje va ŭsich rehijonach krainy i Minsku Dzień vyšyvanki, paviedamlaje BiełTA.
Prajekt uklučaje ŭ siabie šerah mierapryjemstvaŭ, niaźmiennym atrybutam jakich źjaŭlajecca nacyjanalny arnamient.
Heta art-parad «Pad ściaham z vyšyvankaj», «Biełaruski kirmaš», vystavy-prezientacyi ahrasiadzib «Zaprašajem da nas», arhanizacyja pracy sałona biełaruskaha arnamientu pad adkrytym niebam «Rodnyja ŭzory», interaktyŭnych placovak «Narodny desant», majstar-kłasaŭ «Horad majstroŭ», tvorčyja prahramy #Ja lublu Biełaruś, fłeš-mob «Pacałunak u vyšyvancy»…
Pry praviadzieńni śviataŭ vyšyvanki ŭ rehijonach buduć ŭličvacca miascovyja tradycyi i kałaryt.
Dzień vyšyvanki sajuz moładzi pravodzić užo čaćviorty raz.
«My bačym, jak uzrastaje cikavaść dziaciej i moładzi da biełaruskaj nacyjanalnaj kultury, tradycyj, abradaŭ, narodnych ramiostvaŭ, i starajemsia być u trendzie», — padkreślili ŭ BRSM.
Siarod najbolš papularnych akcyj BRSM — «Padary niemaŭlaci vyšyvanku». Udzielnikami akcyi buduć maładyja mamy i maleńkija hramadzianie krainy, jakija naradzilisia napiaredadni Dnia moładzi i 3 Lipienia: «Pa ŭsioj krainie ŭ radzilnych damach buduć uručany hrudničkam raspašonki, paŭzunki z nacyjanalnym arnamientam. Bo biełaruski arnamient, jaki nam pieradali prodki, źjaŭlajecca svojeasablivym šyfram, zaklikanym achoŭvać. Takim čynam, niemaŭlaty buduć pad nadziejnaj abaronaj».