Tramp i Pucin sustrenucca na samicie G20
Sustreča prezydentaŭ Rasiei i ZŠA Ŭładzimira Pucina i Donalda Trampa zaplanavanaja na 28 červienia, paśla pieršaha pasiadžeńnia samitu G20 u japonskaj Osacy, paviedamiŭ žurnalistam pamočnik rasiejskaha lidera Jury Ušakoŭ.
«Sustreča z Trampam — aryjencirovačna ŭ dźvie hadziny, u try hadziny — druhoje rabočaje pasiadžeńnie samitu», — skazaŭ Ušakoŭ.
Na prośbu ŭdakładnić, ci aznačaje heta, što na razmovu lideraŭ zakładzienaja hadzina, pamočnik prezydenta adznačyŭ: «Prykładna tak, jak atrymajecca — ciažka skazać».
Ahučyŭ jon i paradak dnia sustrečy:
«Šmat što budzie zaležać ad lideraŭ, jak jany pabudujuć hutarku. Ale pytańni lahičnyja: i ahulny stan dvuchbakovych spravaŭ, stratehičnaja stabilnaść, i šmatlikija rehijanalnyja kanflikty — tut i Syryja, i Aŭhanistan, i Ŭkraina, i Venesueła, naturalna, iranskaja prablema i hetak dalej», — skazaŭ pamočnik prezydenta Rasiei.
Apošni raz Tramp sustrakaŭsia z Pucinym u farmacie sam-nasam u Chelsynki ŭ lipieni 2018 hodu. Paśla hetaj sustrečy amerykanskija zakanadaŭcy rezka raskrytykavali Trampa za toje, što jon nia maje žorstkaj pazycyi što da adkaznaści za vyjaŭlenaje specsłužbami ZŠA ŭmiašańnie ŭ amerykanskija vybary 2016 hodu. Apošnim časam amerykanski prezydent u publičnych zaklikach namiakaje na žadańnie palepšyć stasunki z Rasiejaj, u pryvatnaści z Uładzimiram Pucinym.