Rasija, ZŠA i Izrail damovilisia pa Siryi
Rasija, ZŠA i Izrail damovilisia pa asnoŭnych pytańniach urehulavańnia vajny ŭ Siryi. Pra heta paviedamlaje TASS sa spasyłkaj na sakratara Rady biaśpieki Rasii Mikałaja Patrušava.
«Ja całkam padzialaju pazicyju premjera Izraila Bińjamina Nietańjachu pra toje, u jakim stanie pavinna być Siryja ŭ vyniku našaj pracy — jak jon skazaŭ, mirnaj i biaśpiečnaj. Ja chaču dadać, što pavinien być zabiaśpiečany suvierenitet, niezaležnaść, terytaryjalnaja cełasnaść Siryi», — skazaŭ Patrušaŭ. Jon adznačyŭ, što dziakujučy dapamozie ZŠA sił terarystyčnaj arhanizacyi «Isłamskaja dziaržava» stała značna mienš jak u Siryi, tak i ŭ Iraku.
U pieramovach udzielničali Patrušaŭ, pamočnik prezidenta ZŠA pa nacyjanalnaj biaśpiecy Džon Bołtan i kiraŭnik Rady nacyjanalnaj biaśpieki Izraila Meir Ben-Šabat.
U toj ža čas paviedamlajecca, što Izrail praciahnie akazvać supraćdziejańnie Iranu ŭ Siryi. «Izrail praciahnie pieraškadžać Iranu ŭ vykarystańni susiednich terytoryj dla napadak na nas», — zajaviŭ Nietańjachu.