U Biełaviežskaj puščy viaskoŭcy vyratavali dzikuju kozačku FOTA
U demanstracyjnym valjery dla dzikich žyvioł nacyjanalnaha parku «Biełaviežskaja pušča» źjaviłasia novanarodžanaje kazulania. Ź niejkich pryčyn jano zhubiłasia, mahčyma, mama, ratujučy malania ad drapiežnikaŭ, uciakła zanadta daloka, takoje časam byvaje ŭ pryrodzie.
Ale dziciania kazuli znajšli ŭ vysokaj travie žychary vioski Pielišča i pieradali znachodku rabotnikam nacyjanalnaha parku.
Spačatku žyviolinka była mocna asłablena i napałochana, važyła tolki 1,5 kh. Jaje pasialili dla vychodžvańnia ŭ asobny valjer pad pastajannaje nazirańnie vieterynarnaha lekara Lizaviety. Dohlad i kłopat dapamahli jamu adužać i padniacca na nožki. Zaraz tydniovaje małoje dobra siłkujecca, jaho kormiać dziciačym charčavańniem, ale jano ŭžo sprabuje maładuju travu.
