Stalicu Indaniezii płanujuć pieranieści z 30-miljonnaj Džakarty ŭ hety miły haradok FOTA
U Indaniezii zadumali pieranieści stalicu. U ahłamieracyi vakoł Džakarty (vostraŭ Java) ŭžo žyvie 30 miljonaŭ čałaviek, i ŭłady vyrašyli z hetym narešcie što-niebudź zrabić.
Centralnaja miačeć. Fota Deny Krisbiyantoro, Shutterstock.com
Jak paviedamlaje The Jakarta Post, u 2024 hodzie stalicaj moža stać horad Pałankaraja na vostravie Kalimantan.
Heta nievypadkovy vybar — horad Pałankaraja pabudavali tolki ŭ 1957 hodzie, i mienavita dla taho, kab pieranieści tudy stalicu. Ciapier tam žyvie kala 375 tysiač čałaviek, heta suvymierna z Mahilovam, Hrodna ci Viciebskam.
Nazva horada składajecca z dvuch słoŭ, uziatych z roznych movaŭ. Pałanka (z nhadžu) aznačaje śviatoje miesca, a raja (sanskryt) aznačaje vielizarnaje, takim čynam poŭnaja nazva horada — heta vielizarnaje śviatoje miesca.
