U hetuju niadzielu ŭ Minsku — Vialiki brytanski fiestyval. Hladzicie, kudy možna schadzić
Užo tradycyjna, u pieršy miesiac leta, centralnaja častka Minska pieratvorycca ŭ novy kulturny punkt Złučanaha Karaleŭstva Vialikabrytanii i Paŭnočnaj Irłandyi. Jak i letaś, asnoŭnyja mierapryjemstvy dnia brytanskaj kultury projduć 23 červienia ŭ Vierchnim horadzie i na vulicy Zybickaj. Pačatak — 13:00. Na hety raz arhanizatary zapłanavali 14 tematyčnych zon z roznymi aktyvacyjami, fotałakacyjami, fud-kortami i šyrokaj muzyčnaj prahramaj.
Fota holiday.by.
«Ja ź nieciarpieńniem čakaju dzień brytanskaj kultury na płoščy Svabody 23 červienia, a taksama naš udzieł u fan-zonie kala Pałaca Sportu 22 červienia. Ja spadziajusia, što kožny zmoža znajści niešta cikavaje dla siabie, dla dziaciej, padletkaŭ, baćkoŭ i navat dla babul i dziadulaŭ! Prychodźcie i viesialiciesia!», — napisała pasoł Fijona Hib.
U hety dzień kožny kutok Vierchniaha horada budzie pradstaŭlać kulturu Brytanii. Užo tradycyjna fiestyval adkryje šeście dudaroŭ Karaleŭskaha Irłandskaha Pałka, jakoje projdzie ad Pasolstva Vialikabrytanii (vuł. K. Marksa, 37) da hałoŭnaj sceny la Ratušy.
Adnoj z asablivaściej fiestyvalu stanie tema ekałohii. Sioleta Pasolstva Vialikabrytanii prykładaje maksimum namahańniaŭ pa skaračeńni vykarystańnia płastyka. Buduć arhanizavany interaktyŭnyja ekałahičnyja majstar-kłasy, a taksama na kožnaj z zon buduć ustanoŭleny kantejniery pa asobnym zbory śmiećcia.
Karetny dvoryk stanie centralnaj adukacyjnaj zonaj. Kožny achvotny zmoža pravieryć svoj uzrovień anhlijskaj movy i daviedacca pra aktualnyja adukacyjnyja prahramy ŭ Vialikabrytanii. Adbudziecca prezientacyja ispytu Cambridge English, a taksama prahram vyvučeńnia anhlijskaj movy. U zonie «Litaratura» anhlijski piśmieńnik Najdžeł Robierts prezientuje svaju knihu «Hid pa Biełarusi» i padzielicca ŭražańniami pra Biełaruś. Akramia hetaha arhanizatary ŭpieršyniu na fiestyvali pradstaviać anhlijskija tvory na biełaruskaj movie.
Na Zybickaj razharniecca spartovaje žyćcio fiestyvalu. Dla tych, chto choča adčuć siabie ŭdzielnikam Uimbłdonskaha tenisnaha turniru, budzie arhanizavany mini-kort. Navučańnie asnovam rehbi, hulni ŭ tač-rehbi, kikier i navat kiorlinh — usio heta budzie arhanizavana ŭ miežach spartyŭnaj zony fiestyvalu.
Akciory teatra imia Janki Kupały pradstaviać na śviacie šou minijaciur. U prahramie taksama značacca pradstaŭleńnie batlejki «KapialuŠ» i lalečnaja pastanoŭka «Panč i Džudzi» ad vykładčyka i akciora Robierta Stajłsa. Akramia hetaha, Vialiki brytanski fiestyval naviedajuć dyzajniery pryznanaha i ŭšanavanaha prajekta Fashion Scout (Łondan), jany pakažuć svaje kalekcyi na hałoŭnaj scenie.
U zonie «Tvorčaść» zapłanavany: majstar-kłas pa vakale i stvareńni pieśni, stvareńnie hrafici na temu Vialikabrytanii, fota-pazł «Ściah Vialikabrytanii» i mnohaje inšaje. Na vialikim brytanskim «aŭtasałonie» prezentujuć novyja madeli Bentley i Land Rover. U svaju čarhu Jaguar Club Belarus arhanizuje ekspazicyju retra-aŭtamabilaŭ, dzie pradstavić publicy ekskluziŭnyja madeli aŭto, sabranyja ŭručnuju. Taksama ŭ miežach festu prezientujuć novyja zony: «Inavacyi» i «Historyja».
Na fud-kortach haściam buduć prapanavanyja stravy pa receptach brytanskaj kuchni. Siarod udzielnikaŭ hastranamičnych vynachodnictvaŭ asobnuju nišu zojmuć «chmielnyja» ŭstanovy, tut hości zmohuć pradehustavać lubimyja brytancami piva i sidr.
Pa ŭsioj terytoryi Vierchniaha horada ŭvieś dzień buduć hučać papularnyja brytanskija miełodyi ŭ vykanańni brytanskich i biełaruskich muzykaŭ. U Minsk pryjeduć chedłajniery festu: Dan Owen (Łondan), Clean Cut Kid (Livierpul), a taksama vystupiać DJ Blaise i šatłandski kavier-hurt Somethin 'Regenerated.
Vialiki brytanski fiestyval. 23 červienia. Vierchni horad i vulica Zybickaja. Pačatak — a 13:00.
Arhanizatar: Ambasada Złučanaha Karaleŭstva Vialikabrytanii i Paŭnočnaj Irłandyi ŭ Biełarusi pry padtrymcy Ministerstva kultury Biełarusi.
Šukajcie cikavyja padziei na Afisha.nn.by
