U Horkach ušanujuć pamiać Piatra I
U sieradu 26 červienia ŭ Horkach adkryjuć pamiatny znak ab znachodžańni tut Piatra I, pišuć horki.info. Heta stanie častkaj śviatkavańnia 75-hodździa vyzvaleńnia Horackaha rajona ad niamiecka-fašysckich zachopnikaŭ.
Jašče ŭ 2015 hodzie na sajcie haziety Horackaha rajvykankama «Horacki vieśnik» vyjšaŭ materyjał «Padstaŭ dla ŭstanoŭki pamiatnaj doški ŭ honar znachodžańnia Piatra I u Horkach niama». U im dyrektar Horackaha historyka-etnahrafičnaha muzieja Śviatłana Makiejeva tłumačyła, što znachodžańnie Piatra I u Horkach nie źjaŭlajecca važnaj histaryčnaj padziejaj, tamu što bitva pamiž ruskimi i šviedskimi vojskami ŭ horadzie nie viałasia.
Makiejeva padkreślivaje, što padstaŭ hanarycca faktam znachodžańnia ŭ Horkach ruskaha cara sa svaim vojskam niama.
«Paŭnočnaja vajna 1700—1721 hadoŭ pryniesła žycharam biełaruskich ziemlaŭ vielizarnyja straty, abvastryła ekanamičnuju i palityčnuju situacyju ŭ krainie. Znachodžańnie zamiežnych vojskaŭ było ciažaram dla miascovaha nasielnictva. Histaryčnyja dakumienty śviedčać pra maradziorstva, rabavańni i hvałt nie tolki z boku šviedskich, ale i z boku ruskich vojskaŭ».