29 červienia — vandroŭka skroź puščy Nalibockaha kraju
Kaliści nalibocki kraj byŭ adnym z samych vialikich lasnych masivaŭ Uschodniaj Jeŭropy. Heta kraj karala Mindoŭha, kraj vialikaha kniazia Vitaŭta, kraj kaściołaŭ, azior, niekranutych puščaŭ, dziŭnych lehiend i historyj…
Fond «Kraina zamkaŭ» zaprašaje ŭsich achvotnych dałučycca da vandroŭki pa Naliboččynie.
I pieršy prypynak - vioska Rubiaževičy ź vieličnym kaściołam Sv. Juzafa.
Kab dabicca dazvołu na jaho pabudovu, miascovy mieščanin Antonij Tur, niekalki razoŭ pieški schadziŭ u Sankt-Pieciarburh z prašeńniami.
Nastupny prypynak - miastečka Ivianiec, jakoje słaviłasia svaimi ramiostvami: kieramikaj, tkactvam, kavalstvam, raźboj pa drevie…
Vydatnyja ŭzory narodnaha majsterstva možna pabačyć u miascovym Muziei tradycyjnaj kultury, na terytoryi staradaŭniaj siadziby. Abyjakavymi haściej nie pakinie chram Archanioła Michaiła, adzin z najpryhažejšych pomnikaŭ vilenskaha baroka.
Dalej pierad pozirkam haściej paŭstanie vioska Dzieraŭnaja z hatyčnym kaściołam XVII stahodździa.
Ad Dzieraŭnoj niedaloka i da radziviłaŭskich Nalibokaŭ.
A paśla pačynajecca sapraŭdnaja pušča.
Choć jana ŭ XX stahodździ paciarpieła ad vysiečak, častka puščanskaha kraju (tak zvanaja Hrafskaja pušča) paŭstaje pierad vačyma turystaŭ va ŭsioj svajoj pieršasnaj pryhažości.
A dyjamient puščy - voziera Kromań.
Na jaho bierazie ŭdzielniki ekskursii spyniacca na nievialiki piknik.
Daviedacca padrabiaznaści i zapisacca ŭ vandroŭku ŭ nietry Nalibockaj puščy možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807