Tramp źbiraŭsia udaryć pa Iranie, ale ŭ apošni momant admianiŭ apieracyju
Prezident ZŠA Donald Tramp pryniaŭ rašeńnie nanieści ŭdar pa Iranie ŭ adkaz na źbity amierykanski bieśpiłotnik, adnak paźniej pieradumaŭ. Pra heta paviedamlaje hazieta The New York Times.
Pa dadzienych vydańnia, u čaćvier, 20 červienia, amierykanski lidar zaćvierdziŭ udar pa šerahu celaŭ, uklučajučy radary i rakietnyja batarei. Ataka była zapłanavanaja na ranicu piatnicy, kab skaracić ryzyki achviar siarod hramadzianskaha nasielnictva.
Amierykanski lidar admianiŭ apieracyju na pačatkovym etapie, kali samaloty znachodzilisia ŭ pavietry, a karabli byli na miescy, ale rakiety jašče nie byli vypuščanyja. Rašeńnie było adkładziena na niavyznačany termin.
Raniej kiraŭnik dziaržavy na pytańnie žurnalista pra toje, jak adreahuje amierykanskaja dziaržava na dziejańni Tehierana, adkazaŭ: «Vy ŭbačycie».