Biełaruś prapanuje Bośnii i Hiercahavinie zaklučyć pahadnieńnie pra biaźviz
Biełaruś prapanuje Bośnii i Hiercahavinie zaklučyć pahadnieńnie ab biaźvizavych pajezdkach pa nacyjanalnych pašpartach. Pra heta siońnia išła razmova na sustrečy premjer-ministra Siarhieja Rumasa sa staršynioj prezidyuma Bośnii i Hiercahaviny Miłaradam Dodzikam, pieradaje BiełTA.
«Nam nieabchodna praciahvać pracu pa farmiravańni dvuchbakovaj dahavornaj bazy. Siarod pryjarytetaŭ my bačym pahadnieńnie ab biaźvizavych pajezdkach pa nacyjanalnych pašpartach. Pa dypłamatyčnych i słužbovych takoje prava ŭžo dziejničaje», — skazaŭ Siarhiej Rumas.
Akramia taho, Biełaruś hatova razhledzieć zaklučeńnie pahadnieńnia ab paźbiahańni dvajnoha padatkaabkładańnia, a taksama raźvivać supracoŭnictva ŭ śfiery navuki, adukacyi, kultury, sacyjalnaha zabieśpiačeńnia i turyzmu i fiksavać heta ŭ adpaviednych dakumientach.
