Zahadkavaja chvaroba pryviała da anamalnaha rostu hrudziej u žančyny ŭ Tajłandzie
U Tajłandzie žančyna pazbaviłasia mahčymaści pierasoŭvacca biez mylic z-za hrudziej, što vyraśli da anamalnych pamieraŭ. Pra heta paviedamlaje Daily Mail.
46-hadovaja Łam Pchrai Si Nuan z adnoj ź viosak u pravincyi Pchitsanułok try hady tamu zaŭvažyła, što ŭ jaje pavialičvajucca hrudzi. Adnak dzieviać miesiacaŭ tamu rost hrudziej paskoryŭsia ŭ niekalki razoŭ — spačatku niekalki miesiacaŭ pavialičvałasia levaja, a zatym pravaja.
Z-za vializnaha pamieru małočnych załoz žančyna pakutuje ad mocnych bolaŭ u šyi, plačach i śpinie. Kab padtrymlivać hrudzi, žančyna abmotvaje ich kavałkam tkaniny, jaki zaviazvaje na šyi.
Daktary nie mohuć pastavić dyjahnaz Nuan i prapanavać joj lačeńnie. Daktary mohuć tolki skazać dakładna, što ŭ žančyny niama rakavych puchlin.
Joj treba budzie čarhovy ahlad u špitali ŭ lipieni, ale Nuan pieražyvaje, što nie zmoža za jaho zapłacić — i jana, i jaje muž biespracoŭnyja.
Jak miarkujecca, žančyna pakutuje ad hihantamastyi — redkaha hienietyčnaha zachvorvańnia, pry jakim hrudzi razrastajucca da vielizarnych pamieraŭ i hublajuć formu. Chvaroba moža paškodzić jak adnu małočnuju załozu, tak i druhuju.
