Eks-prezident Francyi pojdzie pad sud za karupcyju
Były prezident Francyi Nikala Sarkazi paŭstanie pierad sudom pa karupcyjnaj spravie, paviedamlaje France 24.
Raźbiralnictva pačniecca ŭ bližejšyja miesiacy. Paviedamlajecca, što Sarkazi stanie pieršym prezidentam Francyi, jakoha buduć sudzić pa abvinavačvańni ŭ karupcyi.
Upieršyniu abvinavačvańni Sarkazi ŭ karupcyi i vykarystańni słužbovaha stanovišča ŭ asabistych metach i «handli ŭpłyvam» pradjavili jašče 1 lipienia 2014 hoda. U pryvatnaści, Sarkazi padazrajuć u tym, što jon vykarystaŭ svaje suviazi dla atrymańnia infarmacyi ab chodzie śledstva pa «spravie Bietankur», fihurantam jakoj jon źjaŭlaŭsia i jakuju zakryli ŭ 2013 hodzie. Tady Sarkazi abvinavačvali ŭ tym, što ŭ 2007 hodzie jon atrymaŭ 150 tysiač jeŭra na svaju prezidenckuju kampaniju ad najbahaciejšaj žycharki Francyi — uładalnicy kampanii L'Oréal Lilijan Bietankur. Jak śćviardžałasia, hetuju sumu palityk i jaho nabližanyja vymantačyli ŭ Bietankur, skarystaŭšysia jaje demiencyjaj.
Sarkazi byŭ prezidentam Francyi z 2007 pa 2012 hod.
