Mahiloviec pahražaŭ zrabić karpačča z byłoj žonki-kucharki
55-hadovaj mahiloŭcy, kucharcy adnoj z arhanizacyj horada, były muž pahražaŭ zabojstvam nažom. Žančyna nabrała telefon «102». Tudy adrazu ž nakiravaŭsia učastkovy inśpiektar milicyi.
Mužčyna daŭno zataiŭ złość na svaju byłuju žonku. 55-hadovy biespracoŭny mahiloviec vypiŭ u toj viečar i ŭ čarhovy raz pačaŭ ździekavacca z prafiesii žančyny, abraźliva adklikajučysia pra jaje prafiesijanalnyja navyki. Kali mahiloŭka paryravała tym, što były muž i zusim nie moža znajści pracu na praciahu doŭhaha času, toj adkazaŭ, što ź jaje pracaj jon by spraviŭsia lohka, paśla čaho ŭziaŭ u ruki nož. Jon staŭ nabližacca da žančyny, pahražajučy pavolnym i žorstkim zabojstvam, prapanoŭvajučy pryhatavać karpačča z byłoj žonki.
Materyjał pieradali ŭ Mahiloŭski mižrajonny adździeł SK dla zaviadzieńnia kryminalnaj spravy za pahrozu zabojstvam.
