Były budynak «Minskdreva» nasuprać «Karony» kupiŭ bujny deviełapier
U Minsku idzie ramont byłoha budynka «Minskdreva» na Kalvaryjskaj, 21. U abjekta źmianiŭsia ŭłaśnik, jaki ŭžo šukaje novych arandataraŭ, piša tut.by.
Na Kalvaryjskaj, 21, u byłym budynku filijała «Minskdreŭ» apošni tydzień idzie ramont: budaŭniki mianiajuć staryja vokny, farbujuć fasad u koler čyrvonaj cehły, pierarablajuć budynak unutry. Vytvorčaść daŭno pieranieśli za horad, pamiaškańni byłych cechaŭ pustujuć z 2012 hoda.
Jak rastłumačyŭ namieśnik kiraŭnika Maskoŭskaha rajona Uładzimir Tankievič, u abjekta źmianiŭsia ŭłaśnik, novy ŭładalnik zaniaŭsia ramontam pamiaškańniaŭ, ale što tam budzie ŭnutry i jakaja kampanija kupiła budynak, čynoŭnik skazać nie hatovy.
Na sajcie staličnaha zabudoŭščyka «Biełrekanstrukcyja» ŭžo jość abjavy pra zdaču niekalkich pamiaškańniaŭ u hetym budynku ŭ arendu, a taksama eskizy interjeraŭ. Pryznačeńnie — handlova-ofisnaje.
