Fejsbuk anansavaŭ vypusk kryptavaluty zusim novaha typu — pryviazanaj da zvyčajnych valut
Fejsbuk stvaraje «mejnstrymavuju» kryptavalutu — jakaja budzie pryviazanaja da zvyčajnych valut i abapiracca na puł partnioraŭ takich, jak Visa, Mastercard, PayPal i Uber.
Fejsbuk abviaściŭ pra stvareńnie daččynaj kampanii Calibra, hałoŭnaj zadačaj jakoj stanie pradastaŭleńnie finansavych pasłuh karystalnikam na padstavie ułasnaj kryptavaluty — Libra.
«Calibra pradstavić svoj pieršy pradukt — ličbavy kašalok dla Libra, novaj suśvietnaj valuty, zasnavanaj na technałohii błakčejn», — havorycca ŭ paviedamleńni sacyjalnaj sietki.
Kašalok dla hetaj kryptavaluty budzie dastupny ŭ dadatkach Messenger i WhatsApp, a taksama ŭ vyhladzie asobnaha dadatku da 2020 hoda, abiacaje kampanija
Nieabchodnaść stvareńnia Libra ŭ kampanii tłumačać tym, što, choć Internet daŭ ludziam va ŭsim śviecie mahčymaść kantaktavać adzin z adnym, adnak bazavyja finansavyja pasłuhi ŭsio jašče šmatlikim niedastupnyja, asabliva ŭ krainach, jakija raźvivajucca.
Prykładna 70% małych pradpryjemstvaŭ u takich krainach nie majuć dostupu da kredytaŭ, i $ 25 młrd štohod hublajucca mihrantami z-za kamisij za pieravod srodkaŭ na radzimu. Novaja kryptavaluta zaklikanaja vypravić hetuju situacyju.