U Biełaruś pryjechali naščadki Sapiehaŭ FOTY
Maryja Sapieha i Marynika Varašylska-Sapieha ŭ vychodnyja špacyravali pa Minsku. Pani Marynika pryjechała z Varšavy, a pani Maryja — až z Kienii.
Jany buduć u krainie ceły tydzień, ciaham jakoha abjeduć miaściny, źviazanyja z historyjaj rodu. Svajo padarožža jany pačali sa stalicy.
Radzimu prodkaŭ dźvie kniahini naviedvajuć upieršyniu.
Pani Maryja — pradstaŭnica «kienijskaj» haliny rodu. Jaje dzied byŭ polskim dypłamatam, a baćka Jaŭstach Sapieha vajavaŭ suprać nacystaŭ u Druhuju suśvietnuju. Jany vyjechali ŭ Najrobi paśla vajny.
Pani Marynika — Sapieha pa mužu. Jana zajmajecca farmaceŭtyčnym biznesam i dabračynnaściu dy ŭvachodzić u dziasiatku najlepšych polskich biznesvumien.
Hidami pa krainie dla dźviuch kniahiń buduć historyki z Hrodna Hienadź i Albina Siemienčuki.
Ideja naviedać radzimu prodkaŭ źjaviłasia padčas supracy ź biełaruskim Hienieałahičnym ahienctvam Wenda, dzie pani Marynika ŭdakładniała pytańni, źviazanyja z radavodam.
U historyi byvała ŭsiakaje, ale ciapier naščadki Sapiehaŭ siabrujuć z naščadkami svaich hałoŭnych kankurentaŭ — Radziviłaŭ. Padčas svajho padarožža Maryja i Marynika źbirajucca naviedać Niaśviž.
