U dvarach za HUMam dabudavali 7-paviarchovy kompleks dla Fiederacyi harnałyžnaha sporta FOTA
U Minsku dabudavali šmatfunkcyjanalny kompleks za kinateatram «Pieramoha», pracy na jakim vialisia z 2012 hoda. Dniami vakoł abjekta źniali aharodžu, i ciapier možna bačyć kančatkovy vynik. Historyja budaŭnictva i budučynia hetaha kompleksu — u materyjale tut.by.
Budynak za kinateatram «Pieramoha» na skryžavańni Kamsamolskaj i Internacyjanalnaj pačali budavać u 2012 hodzie. Zabudoŭščykam vystupała TAA «Skisportinviest», zasnavanaje kampanijaj z estonskim kapitałam (80%) i fiederacyjaj harnałyžnaha sportu (20%).
U 2017 hodzie firma z estonskim kapitałam u liku inšych była źviazana z kampanijaj «AŁS-Inviest» biznesoŭca Alaksieja Saŭčuka, jaki zajmaje 38-je miesca ŭ rejtynhu samych upłyvovych pradprymalnikaŭ Biełarusi i kantraluje «Małočnyja horki».
Pieršapačatkova zdać kompleks za «Pieramohaj» płanavali ŭ kancy 2017 hoda, ale heta adbyłosia ŭ kancy 2018 hoda. Data zakančeńnia budaŭnictva zhodna z pašpartam abjekta — červień 2019 hoda. Ciapier tut iduć zaviaršalnyja pracy, i vyhladaje ŭsio heta sprava tak:
U budynku płanujuć raźmiaścić apart-hatel, kafe, a taksama ofis Biełaruskaj fiederacyi harnałyžnaha sporta i snoŭborda.