Samaja nizkaja cana na «Našu historyju» — praz padpisku
Samaja nizkaja cana na časopis — praz padpisku. Padpiska na miesiac kaštuje 4,87 rubla (na abanienckuju skryniu — 4,20 rubla), na paŭhoda — 28,62 rubla (na abanienckuju — 25,2 rubla). Dyk padpisvajciesia, i budziecie štomiesiac čytać zachaplalnaje biełaruskamoŭnaje vydańnie. «Naša historyja» apaviadaje pra biełaruskuju historyju cikava, a pra suśvietnuju — ź biełaruskich pazicyj.
Padpisny indeks 00469. Padpisku afarmlajuć na luboj pošcie i anłajn
Afarmleńnie padpiski dastupnaje:
praź sistemu «Internet-padpiska» na sajcie www.belpost.by;
praz płaciežna-daviedkavyja terminały;
u adździaleńniach paštovaj suviazi;
doma, zaprasiŭšy paštaljona.
Jak padpisacca na «Našu historyju» nie adychodziačy ad kampjutara? Zrabić heta ciapier možna na sajcie «Biełpošty». Dla hetaha:
1. Šukajem na sajcie raździeł internet-padpiski.
U pieraliku pasłuh treba vybrać punkt «Padpiska»,
paśla pierajści pa spasyłcy ŭ punkt «Internet-padpiska».
2. Rehistrujemsia.
Dla hetaha treba vybrać punkt «Rehistracyja fizičnych asobaŭ» uviersie staronki.
Źjavicca akienca z prapanovaj paznačyć Vaš elektronny adras.
Napisaŭšy adras, ciśnicie knopku «Adpravić list» — Vam na elektronnuju poštu budzie dasłanaja spasyłka dla dalejšaj rehistracyi.
3. Unosim asabistyja źviestki i adras dla dastaŭki.
Pierajšoŭšy pa spasyłcy, dasłanaj na mejł, Vy pabačycie akiency dla ŭniasieńnia Vašych asabistych dadzienych.
Vam treba budzie prydumać (i zapomnić!) parol, paznačyć imia, proźvišča, imia pa baćku i adras, na jaki chočacie vypisać «Našu historyju». Zapoŭniŭšy, ciśnicie «Praciahnuć» — na ekranie źjavicca paviedamleńnie pra paśpiachovuju rehistracyju.
4. Znachodzim «Našu historyju» ŭ katałozie.
Dla hetaha ŭ vierchniaj častcy staronki vybirajem rubryku «Padpiska na vydańni». Kab praściej było znajści «Našu historyju» ŭ katałozie, klikajcie na «Ałfavitny» sposab pošuku i vybirajcie litaru «N». U akiency «Na staroncy» lepiej adrazu vybrać «50». Znachodzicie «Našu historyju».
Vy pabačycie padpisny indeks časopisa 00469, nazvu, pieryjadyčnaść vychadu i canu. Paśla ŭ poli sprava ad cany naciskajecie «Zamović».
UVAHA: kab zamović časopis, dastatkova nacisnuć adzin raz — kliknuŭšy niekalki razoŭ, možna adpravić u košyk niekalki zamovaŭ.
5. Zamova zroblenaja. Zastałosia apłacić.
Pierachodzim u punkt «Zamovy» (uviersie staronki) i naciskajem «Da apłaty».
Vy pabačycie dastupnyja sposaby dystancyjnaj apłaty i zmožacie skarystacca tym, jaki Vam najbolš padychodzić.
Kali ž niama mahčymaści raźličycca praz płaciežnuju sistemu bankaŭskaj kartkaj, možna razdrukavać kvitancyju na padpisku i apłacić jaje ŭ lubym adździaleńni pošty.
Pa ŭsich pytańniach, źviazanych z časopisam, telefanujcie: (29) 707-73-29 (MTS), (29) 613-32-32 (Vełkom). Taksama źviartajciesia na e-mail: [email protected].
Jakija pryncypy časopisa?
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
Što možna pračytać u časopisie?
Lipieński numar — vielmi nasyčany. Napačatku pra toje, što asabista mianie najbolš začapiła.
«Što tut, dumaju, za licha? Zusim pjanych nie vidać».
Hety artykuł Siarhieja Astankoviča — i pra toje, čamu ŭ Biełarusi pili mienš, čym u Rasii, i pra rolu čałavieka ŭ historyi.
«Bolš čystyja» — artykuł z historyjaj adnaho mifa.
U sacyjalnych sietkach ci ŭ pryvatnaj razmovie paśla łaźni, kali zachodzić havorka pra pachodžańnie biełarusaŭ, niaredka možna pačuć, što biełarusy, maŭlaŭ, samyja čystyja słavianie. Nie toje što susiedzi: źmiašanyja ź fina-vuhrami ruskija ci źmiašanyja ź ciurkami ŭkraincy. Adkul u takich pohladaŭ rastuć nohi, razabraŭsia kandydat sacyjałahičnych navuk Alaksiej Łastoŭski.
15 žniŭnia 2019 hoda spaŭniajecca 250 hadoŭ z dnia naradžeńnia Napaleona Banaparta — čałavieka, jaki pakinuŭ vielizarny śled u suśvietnaj historyi. Pra niezvyčajnyja nastupstvy tahačasnaj napaleonamanii piša kandydat histaryčnych navuk Dzianis Lisiejčykaŭ. Jon znajšoŭ dzień i miesca, kali ŭ Biełarusi ŭpieršyniu dzicia achryścili Napaleonam i kolki takich dziaciej usiaho było.
Pastajannym čytačam «Našaj historyi» lišnie rekamiendavać artykuły Andreja Skurko, jaki adnaŭlaje bijahrafii samych značnych postaciaŭ biełaruskaj i suśvietnaj historyi. Heta zaŭsiody zachaplalna.
Hetym razam hieroj vokładki — Andrej Hramyka, samy ŭpłyvovy biełarus SSSR.
Jon supraćstajaŭ ZŠA i byŭ chrosnym baćkam Harbačova. Jon byŭ nastolki vierny «hienieralnaj linii», što prosta źliŭsia ź joju. Jon navat staŭ ruskim, choć naradziŭsia biełarusam. Jon byŭ adnym z samych upłyvovych ludziej XX stahodździa — nakolki mahčyma być upłyvovym u sistemie, u jakoj usie ludzi — vinciki.
Ź inšaha — u nas, jak zaŭsiody, niama prachadnoha.
Chto i jak bambiŭ biełaruskija harady ŭ vajnu: praŭda i mify.
Vampir pad Lepielem: jak u 1845 hodzie sialanie z Akulina raskapali mahiłu i adsiekli hałavu susieda Łarki Pabojni.
Žyvaja i miortvaja. Dźvie žonki kniazia Januša Radziviła na adnym partrecie — raskazvaje mastactvaznaŭca Nadzieja Usava.
Ad Pingwina da «Biełaha polusa»: biełaruskaja historyja maroziva. Raskazvaje doktar historyi Alaksandr Bieły.
Polskaja vioska na bierazie Basfora — z historyjaj bolš čym u paŭtara stahodździa. Piša historyk Siarhiej Jeharejčanka.
«Chalera jasnaja!» Chvaroba, jakoj my nie baimsia, ale časta ŭspaminajem. Piša historyk Andrej Vaškievič.
A ŭ našaj canionaj mnohimi rubrycy «narody Biełarusi» kandydat histaryčnych navuk Juryj Unukovič hetym razam apaviadaje pra litoŭcaŭ uschodu Biełarusi.
Artykuł Hanny Sieviaryniec: čamu pasvarylisia Mickievič i Puškin.
Pieršyja aŭtamabili Biełarusi — amatary aŭtahistoryi znojduć sabie svajo.
I ŭžo tradycyjna na radaść dzieciam i padletkam — komiksy.
Dyk padpisvajciesia, i budziecie štomiesiac čytać zachaplalnaje biełaruskamoŭnaje vydańnie. «Naša historyja» apaviadaje pra biełaruskuju historyju cikava, a pra suśvietnuju — ź biełaruskich pazicyj.
Nahadaju, što praz padpisku — samaja nizkaja cana na naša vydańnie.
Padpiska na miesiac kaštuje 4,87 rubla, na paŭhoda — 28,62 rubla. Za paŭhoda padpiskaj vy aščadzicie 5 rubloŭ. A dla nas padpiska taksama najbolš vyhadnaja.
Voś źmiest:
Lublinskaja unija i 1000-hodździe Bresta — dźvie centralnyja temy červieńskaha numara «Našaj historyi».
U vypadku Lublinskaj unii my majem kiejs, da jakoha pryviała «pahłyblenaja intehracyja» i jak palityčnaja elita kusała łokci tady, kali ŭžo ničoha niemahčyma było źmianić.
A 1000-hodździe Bieraścia mnie jak tema darahaja ŭžo tamu, što ja stul rodam. «Horad, jakoha niama» — voś što my pasprabavali raskazać. Heta pra architekturu Staroha Horada, dzie znajści tyja miescy ŭ krepaści i što tam možna adbudavać (dziakuj skrupuloznaści Alaksandra Nievara). Heta pra madernizm — inšaja tema dla ekskursii ci samastojnaj vandroŭki pa Bieraści (jakuju možna spałučyć, da prykładu, z naviedvańniem hulni bresckaha «Dynama» — lidara sioletniaha čempijanatu). A
emacyjny centr numara dla mianie — heta vielmi niezvyčajny materyjał maładoha navukoŭca Antona Dackieviča pra byłyja pradmieści Bresta. Rečyca, Vulka, Španovičy… Anton abyšoŭ hetyja sieliščy, vulicy, zapisvajučy ŭspaminy starych ludziej, lehiendy, movu. Navat ja, uradženiec horada i pieramožca — chie-chie-chie! — 35 hadoŭ tamu haradskoj krajaznaŭčaj alimpijady adkryvaŭ dla siabie niečakanaje: Lubošča Hara, «maksimiany» ŭ Puhačovie, kaŭbaśniki… Pryčym heta budzie cikava i niebieraściejcam — praviarali ŭ redakcyi pierad vypuskam.
Ź inšaha — u nas, jak zaŭsiody, niama prachadnoha.
Aleś Bieły hetym razam napisaŭ pra «kišku», dakładniej, pra dźvie kiški — kryvianuju i bulbianuju, tuju, čempijanat pa smažańni jakoj prachodzić u Supraśli.
Vital Čyrvinski adkryvaje postać Karala Prozara. Adzin fakt — čałaviek uskryŭ trunu žonki, kab pakłaści joj paŭstanckija maniety. Hladzi: tvajo, naša žyćcio, našy pakuty, tulańni nie byli daremnymi, naša ziamla znoŭ paŭstała.
Alaksiej Łastoŭski pieranosić nas u časy hramadzianskaj vajny ŭ Ispanii. Rola biełarusaŭ tam była roznaja: asabliva cikavy siužet z vyvazam załatoha zapasu krainy ŭ Maskvu. Biełarus-dyviersant Arłoŭski pierasiakaŭsia z Chieminhuejem, a Fieldzin — jon ža Nikolski — žachnuŭ Orueła.
Siamiejnyja historyi prezidentaŭ BNR — heta ŭžo asabistaje. Abramčyki — svaja drama, kryŭda, schavany archiŭ. Vincent Hryškievič i Raisa Žukoŭskaja — druhoje kachańnie, jakoje stała vialikim. Upeŭnieny, što vy mnohich historyj nie viedajecie. Adkryjecie dla siabie druhoje vymiareńnie historyi BNR.
Inšyja hieroi numara — Stachanaŭ (i jaho žonki), Apošni vampir (komiks).
Dyk padpisvajciesia, i budziecie štomiesiac čytać zachaplalnaje biełaruskamoŭnaje vydańnie. «Naša historyja» apaviadaje pra biełaruskuju historyju cikava, a pra suśvietnuju — ź biełaruskich pazicyj.
Voś źmiest:
Dziaržynski i Šahał — dźvie centralnyja postaci majskaha numara «Našaj historyi».
Abodva našy ziemlaki, abodva naradzilisia ŭ Biełarusi, sfarmiravalisia tut i, kožny pa-svojmu, nasili hetuju ziamlu ŭ svajoj dušy da kanca svaich dzion.
Dziaržynski — na vokładku my vybrali jaho junackaje fota, dzie jon taki chipstar-chipstar — pačynaŭ jak idealist, dajšoŭ da fanatyzmu, a skončyŭ jak rasčaravany prahmatyk.
U maładości zachaplaŭsia Kalinoŭskim, a pad kaniec žyćcia staŭ Muraŭjovym-Viešalnikam. I adnaznačna byŭ tym, dziakujučy kamu balšavickaja Rasija ŭtrymałasia. Fieliks Dziaržynski nienavidzieŭ impierskaść, ale stvaryŭ śpiecsłužbu, jakaja stała karkasam impieryi novaha farmatu.
Vielmi cikavyja źviestki pra Dziaržynskaha sabrali Andrej Skurko i Vasil Hierasimčyk.
Jašče ŭ numary startuje novy komiks — heta budzie miehakomiks! — pad nazvaj «SupierBiełaruś».
A kali vy pračytajecie naš artykuł pra Šahała, vy daviedajeciesia nie tolki jaho bijahrafiju, ale i značeńnie simvałaŭ, jakimi nasyčanyja jaho karciny, i čamu jahonyja kolery tak biespamyłkova paznajucca, čamu jaho pryznali hienijem.
Źviarnicie ŭvahu taksama na artykuł pra niekanviencyjnaje kachańnie narodnaha paeta Biełarusi Piatra Hlebki. U junactvie ŭ jaho, musić, była vienieryčnaja chvaroba, u vyniku čaho jon nie moh mieć dziaciej. Hety fakt mocna paŭpłyvaŭ na jaho adnosiny z žonkaj Ninaj. Usio ŭ ich skłałasia niezvyčajna, ale heta było ščyraje i mocnaje kachańnie.
Viehanam nie rekamiendujecca artykuł pra tradycyjnyja biełaruskija kumpiaki aŭtarstva doktara historyi Alesia Biełaha.
Knihanošy: jak kantrabanda ŭzhadavała narod.
Sučasnym biełaruskim kulturtrehieram budzie cikava pačytać pra tych histaryčnych knihanošaŭ, jakija nieśli svaim suajčyńnikam aśvietu i rodnaje słova. Pra ich napisaŭ historyk Siarhiej Astankovič z Kryčava.
Jak pracuje Azija i što nie tak z Kitajem — heta pierakaz knihi How Asia Works Džo Stadveła.
Kolki vajaroŭ nasamreč biłasia pad Oršaj? Kali viera ŭ pieramohu nad nieźličonymi maskoŭskimi ordami dla vas śviataja, nie čytajcie moj artykuł, papiaredžvaje kandydat histaryčnych navuk Aleś Kazakoŭ.
Kaho nazyvali litoŭskim Hierkulesam, raskazvaje Andrej Špunt.
A pra rabavańni, zhvałtavańni i navat kradziež adzieńnia z truny, pra Minsk kryminalny pry Stalinie sabraŭ archiŭnyja materyjały Źmicier Drozd.
Ciažka rabić vybarku: u «Našaj historyi», jak zaŭsiody, niama «prachadnych» tekstaŭ.
«Išli vały darohaju, dy ŭsie krutarohi…» Nie kožny z chodu daść adkaz na pytańnie: što heta za žyvioła takaja — voł.
Biełarusy-čakarera. Jak našy suajčyńniki bahacieli ŭ Arhiencinie, raskazvaje Siarhiej Šabielcaŭ.
Dziaržava Łathalija. U 1918-m Hłybokaje i Brasłaŭ mahli stać častkaj dziaržavy bałtyjskich niemcaŭ.
Słonimski dzietdom: niedziciačyja vyprabavańni.
Akanicy rasčynialisia, u viodrach tančyła vada. Pałterhiejst, jakomu nie dali rady ni carkva, ni NKVD…
Nu i našy komiksy, na jakija dzieci zapadajuć.
Voś źmiest:
A što było ŭ krasavickim numary «Našaj historyi»?
Batoryj byŭ nie anioł: šlub pa raźliku, pjanstva, zabłytanaje seksualnaje žyćcio. I pry hetym tałkovy administratar, umieły taktyk i razumny strateh. Jak palityk sa svaimi słabaściami i raźlikami prymaje pravilnyja abo niapravilnyja rašeńni, čym jon kirujecca, ad jakich vypadkovaściaŭ zaležać zakanamiernaści?
Na vokładcy hetaha numara Stefan Batoryj — adzin z samych paśpiachovych mieniedžaraŭ u biełaruskaj historyi. My zamovili artykuł pra jaho adnamu historyku, atrymali i… zastalisia niezadavolenyja. Pierazamovili artykuł Andreju Skurko, i vyjšła dobra.
Što mianie asabista najbolš začapiła ŭ hetym numary «Našaj historyi» — heta Stanisłaŭ Maniuška.
Ja redka što čakaju ad «jubilejnych artykułaŭ», časta heta taki «sirop». A voś pra Maniušku ŭ Alesia Biełaha vyjšła cikava: bačyš čałavieka va ŭsioj jaho składanaści. Saramlivy, impulsiŭny, biezhaspadarlivy — i pry hetym muzyčny hienij. I Minsk, jaki jon źnienavidzieŭ.
Artykuł, jaki pakładziecca na aktualnuju temu refleksij mnohich patryjotaŭ. «Sa ślaźmi pakajańnia»: jak skłaŭsia los paŭstanca, jaki vydaŭ Kalinoŭskaha.
«Ja zajzdrošču tvajoj čarnaburcy, što ciabie abnimaje za šyju». Vydatny historyk kultury Pavieł Karaloŭ sabraŭ dušeŭnuju padborku pra samyja jarkija pary ŭ biełaruskaj litaratury.
I pra ałkahol padborka tekstaŭ. Jak pabłažlivaść savieckaha načalstva pryviała da masavaha pašyreńnia samahonavareńnia ŭ Zachodniaj Biełarusi.
Jak — dušeŭna i paetyčna, ale ŭsio ž — śpivałasia vioska. I jak šlachta spaivała sialan dziela svajho časovaha prybytku. A taksama aniekdatyčnaja antyałkaholnaja kampanija Michaiła Harbačova.
Ciažka rabić vybarku: u «Našaj historyi», jak zaŭsiody, niama «prachadnych» tekstaŭ.
«Havarycie pa-rusku», abo Jak naša mova pieražyła XVIII stahodździe — piša kandydat histaryčnych navuk Dzianis Lisiejčykaŭ.
Biełaruski Paŭlik Marozaŭ za svaje danosy atrymaŭ pucioŭku ŭ «Artek» ale i jaho los skłaŭsia trahična — piša doktar histaryčnych navuk Alaksandr Hužałoŭski.
Čaćviarcinskija, Žałudok i jaho załaty viek — historyja paśpiachovaha haspadarańnia, sabraŭ haradzieniec Andrej Vaškievič.
«Padymi mianie pa-nad ziamloju. Dzie lotaŭ pieršy ŭ Biełarusi pavietrany šar», — cikava apaviadaje padpałkoŭnik Mikałaj Kavaloŭ.
Uładzimir Karalenak naźbiraŭ miłyja drabnicy pra sport Radziviłaŭ u Niaśvižy.
«Naša strava» hetym razam — šarłotka.
Nu i našy komiksy, na jakija dzieci zapadajuć.
Voś źmiest:
Pytajciesia časopis u šapikach i kramkach «Biełsajuzdruku» abo na poštach. A taksama voś ahulny śpis kniharań, dzie možna znajści naš časopis u roznych haradach:
Minsk
«Akademkniha» (na stancyi mietro Akademija navuk)
Filija «Akademknihi» na Bahdanoviča, 46
Symbal.by (pr. Mašerava, 18)
Handlovy centr «Kupałaŭski» (pad Kastryčnickaj płoščaj), kramy 41—42 i 44—45
«Halijafy» (Niamiha, 3, krama № 47 na cokalnym paviersie)
«Moj modny kut» (Centr Maskoŭska-Vienski, paviljon 333 — heta kala CUMa, mietro Jakuba Kołasa, pr. Niezaležnaści 58)
Knižny kirmaš pa vuł. Daŭmana, 23 (subota 00.00-14.00), miesca 78b
«Rahna» (Suchaja, 4, mietro Frunzienskaja)
«Knižnaja šafa» (Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Symbal.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» (Kirava, 3)
dy inšyja
Brest
«Kniaź Vitaŭt» (Savieckaja, 55)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Pinsk
«Moj modny kut» (vuł. Lenina, 31)
Vilnia
Pabačyć možna ŭ šapiku biełaruskaj parafii kaścioła ŭ Zareččy (Užupis), jon pracuje ŭ niadzieli, padčas słužby.
Varšava
Pabačyć možna ŭ Biełaruskim domie (13/3, Wiejska).
Nahadvajem, što časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
