Jak pieražyć śpioku: piać parad
U śpiakotu dla čałavieka isnuje pahroza pavyšeńnia tempieratury cieła i paharšeńnie samaadčuvańnia. Moža adbycca pierahravańnie, abiazvodžvańnie arhanizma, raźvićcio soniečnaha abo ciepłavoha ŭdaru, abvastreńnie sardečna-sasudzistych zachvorvańniaŭ, piša 112.by.
1. Rekamiendujecca mienš znachodzicca pad pramymi soniečnymi pramianiami, a kali heta niepaźbiežna, to apranać hałaŭnyja ŭbory. Pamiatajcie, što z 12.00 da 16.00 sonca najbolš aktyŭna. U hety čas pažadana abaraniać ŭsie ŭčastki cieła ad traplańnia soniečnych pramianioŭ — vykarystoŭvajcie zakrytuju vopratku i soncaachoŭnyja kremy.
2. U pik śpiakoty pažadana całkam vyklučyć lubyja fizičnyja nahruzki i źvieści da minimumu fizičnuju aktyŭnaść.
3. Treba ŭžyvać jak maha bolš vadkaści. Dla abarony ad abiazvodžvańnia arhanizma nieabchodna bolš pić, nie mienš za 1, 5-3 litraŭ vadkaści ŭ dzień.
4. Pa mahčymaści abmiažujcie praciahłyja pajezdki na aŭtamabili, pakolki ad pierahrevu mohuć uźniknuć niepaładki elektraabstalavańnia.
5. U lesie nie zabyvajcie ab tym, što lubaja iskra moža pryvieści da pažaru. Pamiatajecie, što ŭ haračyja dni aściarožnaść z ahniom pavinna być maksimalnaj.
Simptomy ciepłavoha i soniečnaha ŭdaru — heta ŭ pieršuju čarhu takija prykmiety, jak słabaść, mlavaść, hałavakružeńnie, mocnaje potaadłučeńnie, smaha, hałaŭny bol, młosnaść i vanity.
U asabliva ciažkich vypadkach mahčymaja strata prytomnaści. Kali čałaviek pierahreŭsia, i ŭ jaho nazirajucca vyšejpieraličanyja simptomy, nieabchodna nieadkładna źviartacca da ŭrača i pravodzić mierapryjemstvy pa astudžeńni arhanizma. Paciarpiełaha treba pakłaści ŭ prachałodnym miescy, na hałavu pakłaści chałodny kampres abo vilhotny ručnik. Kali paciarpieły ŭ śviadomaści, dać jamu pitvo, kali nie, to pryvodzić u prytomnaść z dapamohaj našatyrnaha śpirtu i čakać pryjezdu bryhady chutkaj dapamohi.