BATE — «Šachcior» i treci prychod Hurenki. Što nas čakaje ŭ nastupnym tury vyšejšaj lihi
Razam z Bukmiekierskaj kantoraj Marafon my praciahvajem sačyć za čempijanatam Biełarusi, jaki viartajecca paśla mižnarodnaj paŭzy.
Jašče da taho, jak kamandy syšli ŭ dvuchtydniovy adpačynak, u «vyšcy» zdaryłasia pieršaja trenierskaja adstaŭka. I śmiech, i hrech, ale ŭ apošni majski dzień Raman Pilipčuk pakinuŭ post hałoŭnaha treniera minskaha «Dynama».
Raman Pilipčuk. Fota: FK «Dynama-Minsk».
Juryja Čyža niama, a sprava jahonaja žyvie. Užo bieź Pilipčuka «Dynama» pieramahło «Viciebsk», a praź niekalki dzion stała viadoma, što novym hałoŭnym trenieram «bieła-sinich» znoŭ budzie Siarhiej Hurenka. Dla śpiecyjalista heta budzie ŭžo treci prychod u kłub, ale, vidać, najbolš składany — kamanda pieražyvaje nie najlepšyja časy.
Paśla dziesiaci turaŭ pieršy radok zajmaje bresckaje «Dynama», jakoje pakul nie viedaje, što takoje prajhravać. A na inšym polusie — minskaje «Tarpieda», jakoje ŭ apošnim tury narešcie zdoleła nabrać turnirny bał paśla šaści paraz zapar. Derbi aŭtsajdaraŭ — «Tarpieda» suprać «Minska» — skončyłasia suchoj ničyjej.
Pierachodzim da padziej nastupnaha tura.
«Minsk» — «Nioman»
- 14.06, 18:45. Stadyjon FK «Minsk»
- Kaeficyjenty: «Minsk» (pieramoha) — 2.44; ničyja — 3.34; «Nioman» (pieramoha) — 2.78
Pra prablemy «Minska» my šmat pisali ŭ papiarednich anonsach, i tam mała što pamianiałasia. Dziŭnaja situacyja, kaniečnie, kamanda prajhrała tolki čatyry hulni (naprykład, «Homiel» i «Tarpieda» prajhrali ažno pa siem), ale adsutnaść pieramoh nie daje padniacca vyšej za zonu vyletu.
U «Niomana» taksama prablemy — kamanda Ihara Kavaleviča prajhrała try apošnija hulni i adstała ad pieršaj piaciorki na 6 bałaŭ. Hulnia suprać adnaho z aŭtsajdaraŭ — niebłahi šaniec narešcie pieramahčy, ale im treba skarystacca jak śled.
Baner fanataŭ «Niomana». Fota FK «Nioman».
Prahnoz «NN»: pieramoha «Niomana».
«Haradzieja» — «Tarpieda»
- 14.06, 20:45. Stadyjon «Haradzieja»
- Kaeficyjenty: «Haradzieja» (pieramoha) — 1.85; ničyja — 3.42; «Tarpieda» (pieramoha) — 4.25
Za pravalnym startam u «Haradziei» pačałasia biełaja pałasa — u apošnich šaści turach «cukrovyja» sastupili tolki adnojčy, i nie aby kamu — bresckamu «Dynama».
U piatnicu padnačalenyja Siarhieja Jaromki prymajuć minskich «aŭtazavodcaŭ», jakija, pa čutkach, mohuć zastacca biez hrošaj hałoŭnaha sponsara kamandy Michaiła Miranienkava. U kłubie hetyja čutki abviarhajuć, ale z apošniaha radka treba niejak padymacca.
Prahnoz «NN»: pieramoha «Haradziei».
«Dniapro» — «Isłač»
Pierad siezonam kiraŭniki «Isłačy» zajaŭlali ab tym, što płanujuć nabrać 50 bałaŭ u čempijanacie. Paśla traciny dystancyi ŭ kapiłcy «vaŭkoŭ» naźbirałasia amal pałova — 21. Kamanda zajmaje čaćviorty radok i nosić hanarovaje zvańnie hałoŭnaj siensacyi čempijanata.
Vital Žukoŭski radujecca čarhovaj pieramozie jahonaj kamandy. Fota: FK «Isłač».
Mahiloŭcam mała čym možna pachvalicca — kamanda nie pieramahaje ŭžo čatyry tury, u kłubie jość finansavyja prablemy. A zona vyletu zusim blizka.
Prahnoz «NN»: pieramoha «Isłačy».
«Słavija» — «Słuck»
- 15.06, 19:00. Mazyr, stadyjon «Junactva»
Apošni raz mazyrčuki pieramahali słuččakoŭ jašče ŭ časy, kali abiedźvie kamandy hulali ŭ pieršaj lizie. U šaści matčach «vyški» za «Słuckam» — 4 pieramohi (byvaŭ i lik 6:1, pry tym u Mazyry) i 2 ničyi.
Ciapier raskład krychu inšy — bojkaja «Słavija» prymaje «Słuck», jaki maje najhoršuju abaronu ŭ čempijanacie. Słuččaki prapuścili ŭ dziesiaci matčach 22 miačy. Dla paraŭnańnia, «Tarpieda», jakoje znachodzicca na apošnim radku, prapuściła 10, a «Minsk» — 14.
Ci atrymajecca ŭpieršyniu «Słavii» pieramahčy «Słuck»?
Prahnoz «NN»: «Słavija» nie sastupić.
«Tarpieda-BiełAZ» — «Viciebsk»
- 15.06, 20:45. Žodzina, stadyjon «Tarpieda»
Abiedźvie kamandy pieražyvajuć nie samy ŭdały pieryjad u siezonie. U žodzincaŭ — dźvie parazy zapar u čempijanacie, a viciebčukoŭ — paraza ŭ finale Kubka i projhryš minskamu «Dynama» u lizie.
Z kožnaj strataj bałaŭ lidary addalajucca jašče dalej. Tamu bližejšaja hulnia źjaŭlajecca zvyšvažnaj, kali zavajavańnie miedaloŭ jašče ŭ pryjarytetach kamand.
Prahnoz «NN»: »Tarpieda» nie sastupić.
BATE — «Šachcior»
- 16.06, 17:00. «Barysaŭ-Arena»
Matč nie tolki tura, a, mahčyma, i pieršaha kruha. Paśla dziesiaci turaŭ abiedźvie kamandy majuć adnolkavuju statystyku i na dva bały adstajuć ad bresckaha «Dynama».
Paru dzion tamu źjaviłasia infarmacyja, što Siarhiej Tašujeŭ moža stać hałoŭnym trenieram «Kajrata» zamiest Alaksieja Špileŭskaha. U Salihorsku hetyja słuchi abviarhajuć.
Favaryta vyznačyć składana. Sprahnazujem zvyšaściarožny matč.
Prahnoz «NN»: totał mienšy za 2.5.
«Dynama-Minsk» — «Enierhietyk-BDU»
- 16.06, 19:00. Minsk, stadyjon «Traktar»
Pieršaja aficyjnaja hulnia paśla viartańnia Siarhieja Hurenki. Nieaficyjnaja ŭžo adbyłasia — u tavaryskaj hulni «Dynama» pieramahło litoŭski «Ryteraj», za jaki, darečy, hulaje syn treniera Arciom.
Repietycyja prajšła paśpiachova. Jak pojdzie ŭ matčy čempijanatu?
Prahnoz «NN»: »Dynama» pieramoža.
«Dynama-Brest» — «Homiel»
- 16.06, 20:45. ASK «Brescki»
U apošniaj hulni tura nas čakaje paŭdniovaje derbi: bieraściejcy suprać hamielčukoŭ.
«Homiel» nie pieramahaje ŭžo bolš za dva miesiacy. I jość vialikaja imaviernaść taho, što admoŭnaja sieryja tolki praciahniecca.
Prahnoz «NN»: »Dynama» pieramoža.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
