ŚMI: Zabity zvodny brat Kim Čen Yna byŭ infarmataram CRU
U čas svajoj apošniaj pajezdki Kim Čen Nam pierasiakaŭsia z amierykanskim ahientam na adnym z małajzijskich kurortaŭ.
Pra heta 10 červienia napisała vydańnie «Uoł-stryt džornał» sa spasyłkaj na asobu, «jakaja ŭ kursie spravy».
Jon byŭ zvodnym bratam dyktatara Paŭnočnaj Karei, jaho zabili ŭ 2017 hodzie ŭ Kuała-Łumpury. «Była suviaź» miž amierykanskim špijonskim viedamstvam i Kimam, śćviardžaje krynica infarmavanaha amierykanskaha vydańnia.
45-hadovaha Kim Čen Nama zabili niervova-paralityčnym hazam u aeraporcie małajzijskaj stalicy. Čatyry paŭnočnakarejcy, mierkavanyja arhanizatary terakta, paśpieli adlacieć rejsam u Pchieńjan.
Zabity Kim žyŭ pieravažna ŭ Makaa i Sinhapury. Da 2001 hoda jon razhladaŭsia jak patencyjny pierajemnik Kim Čen Ira, paśla straciŭ davier.
Amierykanskaja vyviedka paśladoŭna źbiraje infarmacyju pra KNDR i jaje viarchoŭku, choć heta nie prosta rabić u całkam zakrytaj dla śvietu krainie. U 2017 hodzie CRU charaktaryzavała Kim Čen Yna jak «byka», čałavieka brutalnaha, ale pry hetym racyjanalnaha. U Kim Čen Namu lidarskaha patencyjału amierykanskija śpiecsłužby nie bačyli, pisali ŭ tym samym hodzie ŚMI sa spasyłkaj na krynicy.