Jak na Bresckim miasakambinacie robiać pielmieni — hladzicie FOTY
Jak atrymać vydatny smak pielmieniaŭ, katlet, pirahoŭ? Vykarystoŭvać jakasnyja pradukty i vykonvać technałohiju. Mienavita takoha pryncypu prytrymlivajucca pry vytvorčaści viadomych na ŭsiu krainu pielmieniaŭ «Miasnyja padušački». Heta smačny naturalny pradukt niezvyčajnaj kvadratnaj formy z asablivaj recepturaj i pavialičanaj dolaj śviežaha miasa ad Bresckaha miasakambinata.
Asartymient «Miasnych padušačak» raznastajny: «Chatnija», «Kłasičnyja», «Ź jałavičynaj», «Ź cialacinaj», «Z syram», «Z hrybami», «Bajarskija», «Ź file indyčki», mini-padušački «Pacieški» i — z novaha — mini-padušački «Viasiołyja indyčaniaty».
Aryhinalnuju recepturu raspracoŭvali technołahi pradpryjemstva. Jany pastaralisia nablizić jaje da chatnich receptaŭ, u jakich haspadyni vykarystoŭvajuć tolki naturalnyja inhredyjenty. Heta nie prosta pielmieni pramysłovaj vytvorčaści — heta pradukcyja bolš vysokaj jakaści.
Hałoŭny sakret smaku «Miasnychpadušačak» — jakasnaje miasa. Dla pryhatavańnia faršu vykarystoŭvajecca astudžanaje, a nie zamarožanaje miasa.
Praces padrychtoŭki pielmieniaŭ pačynajecca z padrychtoŭki miasnoha faršu. U syravinnym adździaleńni śvinyja i jałavičnyja tušy raskryžoŭvajuć, abvalvajuć, zatym žyłujuć — padzialajuć miasa pa hatunkach.
U hety ž čas idzie padrychtoŭka astatnich inhredyjentaŭ: u adździaleńni ačystki harodniny myjuć i narazajuć śviežuju cybulu i časnok, paralelna ŭ śpiecyjalnym adździaleńni źbirajuć naturalnyja śpiecyi.
Paśla taho jak astudžanaje miasa razabrali, jaho adpraŭlajuć na kantrolnaje ŭzvažvańnie, a zatym u kutar na drabnieńnie razam z harodninaj, naturalnymi śpiecyjami i sollu. U kutary ŭsie inhredyjenty davodziać da adnarodnaj kansistencyi na praciahu čatyroch chvilin. Kab zachavać karysnyja jakaści miasa, u pielmiennym cechu pastajanna padtrymlivajecca tempieratura na ŭzroŭni +12 hradusaŭ.
«Asablivaść vytvorčaści našych pielmieniaŭ u vykarystańni astudžanaha miasa. Heta dazvalaje nam atrymać smačnyja i sakavityja pielmieni. U skład uvachodziać i naturalnyja inhredyjenty: cybulu, časnok, čorny pierac — usio toje, što vykarystoŭvajuć haspadyni doma. Heta dazvalaje nam atrymać pradukt, lubimy ŭsimi», — adznačaje Alona Bachur, namieśnik hienieralnaha dyrektara pa vytvorčaści Bresckaha miasakambinata.
Zatym hatovy farš adpraŭlajecca ŭ adździaleńnie farmoŭki. Ciesta dla pielmieniaŭ robiać hetak ža staranna, jak i načyńnie. U jaho skład uvachodzić muka vyšejšaha hatunku, vada, sol i aliŭkavy alej. Na vymiešvańnie sychodzić 15 chvilin, zatym farmujucca tonkija płasty ciesta.
Idealna kvadratnuju formu «Miasnyja padušački» atrymlivajuć dziakujučy italjanskaj linii abstalavańnia. Raskočanaje ciesta ruchajecca pa vierchniaj i nižniaj linijach, kab potym złučycca ŭ padušačku z dapamohaj farmavalnych barabanaŭ. Apieratary ŭvažliva sočać, kab pielmieni nie byli pustymi, ich krai idealna skleilisia, a ciesta nie parvałasia. Kali niešta pajšło nie tak — padušački adbrakoŭvajuć.
Paśla hatovyja pielmieni prajazdžajuć pa kanviejernaj stužcy ŭ chutkamarazilnik. Tam jany praviaduć 15—20 chvilin pry tempieratury -30 hradusaŭ, kab astudzicca. Zamarožanaja pradukcyja adpraŭlajecca ŭ adździaleńnie fasoŭki, dzie ŭ aŭtamatyčnym režymie idzie ŭzvažvańnie i ŭpakoŭka ŭ pački.
Hatovaja pradukcyja ŭkładajecca ŭ kardonnyja skrynki, na kožnuju ź jakich nalaplajecca infarmacyja ab pradukcie: data vytvorčaści, termin prydatnaści i numar źmieny. Kožnuju partyju praviarajuć śpiecyjalisty adździeła vytvorča-vieterynarnaha kantrolu. Tolki paśla hetaha skrynki adpraŭlajuć u kamiery zachoŭvańnia, a na nastupny dzień firmovy transpart razvozić hatovuju pradukcyju pa ŭsioj krainie.
