Siońnia zbornaja Biełarusi praviadzie matč, jaki pakaža, ci jość sens zmahacca ŭ hrupie dalej
24 sakavika ŭ Biełfaście biełarusy prajhrali 1:2, uefa.com
Siońnia zbornaja Biełarusi pa futbole zhulaje matč adboračnaha turnira da čempijanata Jeŭropy — 2020. Supiernik — Paŭnočnaja Irłandyja. Matč projdzie ŭ Barysavie, pačatak u 21.45
Paŭnočnaja Irłandyja — 9 (3 hulni), Niamieččyna — 6 (2), Niderłandy — 3 (2), Estonija — 0, Biełaruś — 0.
U troch pieršych matčach Biełaruś paciarpieła try parazy, u tym liku i ŭ haściavym ad irłandcaŭ. Paraza ŭ siońniašniaj hulni pastavić kryž taksama na marach pra treciaje miesca ŭ hrupie i daviadziecca zmahacca z čaćviertaje z estoncami. Pavinny ž być niejkija ambicyi.
Matčy z estoncami projduć uvosień, tady ž taksama damašni pajadynak ź Niderłandami i haściavy ź Niamieččynaj.
Razam z tym na Jeŭra-2020 možna trapić i ŭ druhi sposab. Praź mini-turnir dla pieramožcaŭ turniru Lihi nacyj u dyvizijonie D.
Dla hetaha treba ŭ sakaviku nastupnaha hoda ŭ haściach pieramahčy Hruziju, a potym pieramožcu matča Kosava — Paŭnočnaja Makiedonija. Praŭda, dva matčy daviadziecca hulać u haściach.
