Ministr ekanomiki raspavioŭ ab prablemnych śfierach u intehracyi z Rasijaj
Pazicyi Rasii i Biełarusi pa pahłybleńni intehracyi vielmi blizkija ŭ sacyjalnaj śfiery, pramysłovaści i na finansavych rynkach, ale ŭ niekatorych śfierach razychodziacca, zajaviŭ žurnalistam ministr ekanomiki Biełarusi Dźmitryj Kruty, piša RIA Novosti.
Žurnalisty pacikavilisia ŭ Krutoha, u čym pazicyi krain razychodziacca.
«Pytańni enierhietyki, pytańni bankaŭskaha siektara — jany, viadoma, bolš składanyja. Jany ciapier abmiarkoŭvajucca ŭ bolš składanym režymie, skažam tak», — adkazaŭ ministr.
Što tyčycca sacyjalnaha błoka, pramysłovaści i finansavaha rynku, to ciapier, adznačyŭ jon, udakładniajucca farmuloŭki.
«Ale hłabalnych niejkich źmien užo ŭ finalnaj viersii mierapryjemstvaŭ nie budzie», — dadaŭ Kruty.
Jon taksama raspavioŭ, što ciapier rychtujecca abnoŭlenaja prahrama pahłybleńnia intehracyi pamiž Rasijaj i Biełaruśsiu.
Jana praduhledžvaje mierapryjemstvy da 2022-2023 hoda, pierš za ŭsio ŭ śfiery ekanomiki. Pradstavić prahramu płanujecca da 21 červienia.
