U rasijskim horadzie projdzie «bitva dydžejaŭ» u honar Stalina
Kamunistyčnaja partyja ŭ rasijskim Novasibirsku zładzić fiestyval apazicyjnaj presy «Dzień praŭdy», jaki pryśviečany 140-hodździu z dnia naradžeńnia Iosifa Stalina, paviedamlaje Lenta.ru.
Adznačajecca, što na terytoryi skviera razhornuć niekalki tematyčnych placovak, u tym liku dyskusijnuju — «Stalin i sučasnaść», dziciačuju — «Dziakuj tavaryšu Stalinu za naša ščaślivaje dziacinstva!», interaktyŭnuju — «Stalinskaja ekanomika — byvała, što i ceny źnižali» i inšyja. Na śviacie novasibirskija kamunisty taksama arhanizujuć «Bitvu dydžejaŭ» i rep-fest «Słova Praŭdy». U zaviaršeńnie fiestyvalu projdzie fłeš-mob «Artylerysty, Stalin daŭ zahad!» i adbudziecca fiejervierk.
Jak patłumačyła pres-sakratarka novasibirskaha kamiteta KPRF Alena Karava, 140-hodździe z dnia naradžeńnia Stalina vyrašyli adznačyć paśla taho, jak u Novasibirsku adkryli biust savieckaha pravadyra.
