Mastaka Alesia Puškina zatrymali padčas pierformansu za biełaruskuju movu
U 220-ju hadavinu naradžeńnia rasiejskaha paeta Alaksandra Puškina jahony biełaruski ciozka mastak Aleś Puškin zładziŭ performans suprać dyskryminacyi biełaruskaj movy i rusifikacyi, piša «Radyjo Svaboda».
6 červienia Aleś Puškin vyjšaŭ da kramy sietki «Eŭraopt» u centry Krupak ź plakatami «Biełaruś u NATO», «Russia — war!» («Rasieja — vajna»), «Stop Russian Agression on Europe» i inš.
Pratestnaj placoŭkaj stała krama «Eŭraopt» u horadzie Krupki Mienskaj vobłaści, u jakoj 8 traŭnia ŭ Puškina adbyŭsia incydent na moŭnaj hlebie, tam jaho admovilisia absłuhoŭvać pa-biełarusku.
Praz paŭhadziny da Puškina vyjšaŭ achoŭnik kramy i sprabavaŭ spravakavać jaho na kanflikt.
Nieŭzabavie padjechała milicyja. Milicyjanty kanfiskavali ŭsie plakaty i ściah mastaka i sprabavali jaho zatrymać, ale Puškin supraciŭlaŭsia, tady niekalki milicyjantaŭ siłaj paciahnuli jaho ŭ milicejskuju mašynu.
Data performansu była vybranaja nievypadkova: 6 červienia — dzień naradžeńnia rasiejskaha paeta Alaksandra Puškina.
Mastak Aleś Puškin, jaki žyvie ŭ vioscy Bobr Krupskaha rajona, viadomy aktyŭnym adstojvańniem pravoŭ biełaruskamoŭnych.
