Na 1000-hodździe Bresta ŭ centry horada pastaviać trochmietrovy biust Puškina
Fota Zarya.by
U centry Bresta ŭvosień ustalujuć biust rasijskaha paeta Alaksandra Puškina. Uračystuju padzieju chočuć prymierkavać da 1000-hodździa horada.
Skulptura vyšynioj try mietry (razam z pastamientam) źjavicca na skryžavańni bulvara Kasmanaŭtaŭ i vulicy Puškinskaj.
Prajekt prafinansuje «Rassupracoŭnictva».
Čytajcie: Uznaharodžany za anieksiju Kryma syn Franca Klinceviča ciapier uznačalvaje Rassupracoŭnictva ŭ Biełarusi
U honar Puškina ŭ Breście ŭžo nazvany vulica, licej i univiersitet, dźvie biblijateki.
U Breście stajać pomniki Mickieviču, Hohalu, Šaŭčenku, zaraz źjavicca Puškinu, ale niama nivodnaha pomnika biełaruskim piśmieńnikam.
U horadzie jość vulicy Janki Kupały — davoli značnaja, Jakuba Kołasa i Bahdanoviča — karocieńkija, na ŭskrainach. Jość nievialičkaja vulica Kaleśnika, niama vulic imia Karatkieviča i Bykava, dy navat vychadca ź Bieraściejščyny Ihnatoŭskaha. Niama i vulicy imia Janiščyc, uradženki Bresckaj vobłaści.
