Viarchoŭny sud Ispanii zabłakavaŭ ekshumacyju pareštkaŭ Franka
Viarchoŭny sud Ispanii zabłakavaŭ ekshumacyju pareštkaŭ Fransiska Franka z maŭzaleja «Dalina palehłych» za šeść dzion da pačatku rabot, paviedamlaje ispanskaja El Pais.
Piać mahistrataŭ čaćviortaj siekcyi Viarchoŭnaha suda «adnahałosna» stanoŭča adkazali na prośbu siamji Franka prypynić ekshumacyju, na jakoj nastojvaŭ urad Pedra Sančesa z samaha pačatku kadencyi.
Urad Pedra Sančesa vyrašyŭ pieranieści pareštki Fransiska Franka z maŭzaleja ŭ manumientalnym kompleksie «Dalina zahinułych», jaki finansujecca dziaržavaj, u minułym hodzie. Pryčyna — urad ličyć, što miemaryjał pavinien być miescam pamiaci pra hramadzianskuju vajnu, a nie prasłaŭlać dyktaturu.
U vieraśni rašeńnie pieranieści reštki Franka ŭchvaliŭ ispanski parłamient. Niekalki naščadkaŭ Franka vykazalisia suprać ekshumacyi. Tysiačy pravych pratestavali suprać vynasu reštkaŭ Franka z maŭzaleju.
