Dla Biełčyhunki ŭ centry Minska dabudoŭvajuć niezvyčajny budynak z łamanym fasadam FOTA

U samym centry Minska, u Šklanym zavułku, źjaviŭsia novy sučasny budynak. Zašklonaja novabudoŭla raźmiaščajecca siarod pramzony, pobač z elektradepo «Maskoŭskaje». Tut raźmieścicca Centr kiravańnia pieravozkami Biełaruskaj čyhunki z dyśpietčarskimi słužbami, pieradaje onliner.by.

Niezvyčajny sučasny budynak sprajektavany majsterniaj architektara Siarhieja Astašonka. Budaŭnictva pačałosia jašče ŭ 2011, ale tolki ciapier budynak nabyvaje svoj kančatkovy vyhlad. Dziakujučy łamanamu fasadu jon vyhladaje cikava i inavacyjna. Škada tolki, što pryvabnaja novabudoŭla schavanaja ŭ pramzonie, vypadkova ŭbačyć jaje možna chiba što z mosta na vulicy Čyhunačnaj abo z voknaŭ elektryčki.

Płanujecca, što adkryćcio budynka adbudziecca ŭžo ŭ hetym hodzie.

0

0

0

0

0

0