Na praśpiekcie Dziaržynskaha zabaraniajuć levyja pavaroty i zakryvajuć levuju pałasu — usio dla Jeŭrahulniaŭ
Z 21 da 30 červienia ŭ Minsku projduć Jeŭrapiejskija hulni. Staličnyja ŭłady rychtujucca da ich praviadzieńnia. Vialikaja kolkaść źmienaŭ datyčycca arhanizacyi ruchu.
Spartsmieny buduć žyć u Studenckaj vioscy kala stancyi mietro «Piatroŭščyna». Jany musiać dajazdžać da miescaŭ praviadzieńnia spabornictvaŭ (naprykład, na «Minsk-Arenu») za 20 chvilin. Kab harantavać im heta, DAI vyrašyła vydzielić pałasu dla ich transpartu.
Pakolki krajniuju pravuju pałasu vykarystoŭvaje vialikaja kolkaść aŭtobusaŭ i tralejbusaŭ, dla transpartu Jeŭrahulniaŭ vyrašana addać krajniuju levuju pałasu praśpiekta Dziaržynskaha.
Jana ŭžo paznačana śpiecyjalnaj raźmietkaj, zajazdžać na krajniuju levuju pałasu budzie nielha.
Faktyčna dla aŭtamabilistaŭ pierahružanaha praśpiekta Dziaržynskaha pakidajuć tolki dźvie centralnyja pałasy.
Što ž rabić z pavarotami naleva i razvarotami? DAI vyrašyła zabaranić ich.
U pryvatnaści, kali jechać ad Malinaŭki ŭ bok centra, nielha budzie paviarnuć naleva na vulicach Hołubieva, Umanskaj, Jasienina, Ščorsa i Chmialeŭskaha.
DAI prapanuje kiroŭcam pavaročvać naprava, a paśla dzie-niebudź razvaročvacca. Na darozie rasstaŭlenyja infarmacyjnyja ščyty z adpaviednaj infarmacyjaj.
Aproč taho, budzie zabaronieny pravy pavarot ź Niamihi na praśpiekt Pieramožcaŭ. Kiroŭcam prapanujuć jechać pa vulicy Cimirazieva.
