«U Minsku takich nikoli nie było». Baćki chočuć stvaryć u škole biełaruskamoŭny intehravany kłas
Ci mahčyma ŭ našaj krainie stvaryć intehravany biełaruskamoŭny kłas? Astranom i fatohraf Viktar Małyščyc, jaki vychoŭvaje dačku z DCP, choča pasprabavać dabicca hetaha ŭ adnoj ź minskich dziaržaŭnych škoł.
«Hanulka ŭ nastupnym hodzie idzie ŭ druhi kłas (ci ŭ pieršy kłas na druhi hod navučańnia). U jaje DCP i niekatoryja asablivaści. Hety hod my vučylisia doma, ale ŭ nastupnym chočam pajści ŭ kłas z poŭnaj intehracyjaj. Heta kali try-čatyry čałavieki z padobnymi dyjahnazami i navučalnymi prahramami vučacca razam u takim voś maleńkim kalektyvie», — padzialiŭsia Viktar u siabie ŭ fejsbuku.
Hanna razmaŭlaje pa-biełarusku, i baćki chacieli b, kab dačka patrapiła ŭ biełaruskamoŭny intehravany kłas.
«Takich u Minsku niama i nikoli nie było, ale prahramy i niekatoryja padručniki pa-biełarusku ŭsio ž taki isnujuć. Tearetyčna stvaryć taki kłas možna, ale nam treba znajści chacia b paru takich ža biełaruskamoŭnych dzietak z padobnaj situacyjaj, jakija chočuć pajści ŭ druhi kłas. Siabry, moža jość u vas takija? Razumieju, što ja padobny na pradstaŭnika plemieni pirachan, jaki choča adšukać u Minsku svaich surodzičaŭ, ale raptam?»
Dyjahnaz dziaŭčynki — lohkaja intelektualnaja niedastatkovaść z parušeńniem aporna-ruchalnaha aparatu. Vučycca jana pa prahramie pieršaha adździaleńnia dapamožnaj škoły.
Viktar raskazvaje, što letaś dziaciej na intehravany kłas nie znajšłosia, tamu Hanna i zastałasia vučycca doma. U hetym hodzie jość mahčymaść addać u kłas, pryčym niedaloka ad doma — ale ruskamoŭny. Baćka ž nie pakidaje nadziei, što dačka zmoža vučycca na rodnaj movie.
