Pad Krupkami jehieru strelili ŭ hałavu: jon u ciažkim stanie
Zdareńnie adbyłosia viečaram 26 maja, paviedamlaje SK.
Inśpiektar Barysaŭskaj mižrajonnaj inśpiekcyi achovy žyviolnaha i raślinnaha śvietu i jehier Krupskaha padraździaleńnia Biełaruskaha tavarystva palaŭničych i rybałovaŭ znachodziŭsia ŭ lesie la vioski Vialikija Žabieryčy, tam jamu sustreŭsia mužčyna z palaŭničaj strelbaj u rukach.
Na prośbu pradjavić dakumienty na zbroju mužčyna streliŭ z palaŭničaha ružža ŭ hałavu jehieru i syšoŭ u nieviadomym kirunku.
Ab zdareńni było paviedamlena ŭ ekstrannyja słužby. Nieŭzabavie napadnik byŭ zatrymany, dadaje BiełTA
Mužčyna-jehier špitalizavany ŭ ciažkim stanie.
Śledčymi sumiesna z supracoŭnikami milicyi i ekśpiertami praviedzieny ahlad miesca zdareńnia. Kanfiskavanyja strelanaja hilza, patron i inšyja rečavyja dokazy. Pryznačanyja roznyja ekśpiertyzy.