U Drahičynie ŭ DTZ trapiŭ načalnik miascovaj milicyi: jaho aŭto sutyknułasia ź viełasipiedystam-padletkam
Žychary Drahičyna abmiarkoŭvajuć historyju pra toje, što ŭ darožna-transpartnaje zdareńnie trapiŭ načalnik RAUS Juryj Koktyš na aŭto i 16-hadovy junak na rovary. Karespandent «Pieršaha rehijonu» daviedaŭsia niekatoryja padrabiaznaści hetaj historyi.
Incydent adbyŭsia 23 maja na vulicy Mielijaracyjnaj. Načalnik milicyi vyjazdžaŭ na aŭto z dvarovaj terytoryi, a chłopčyk ruchaŭsia na rovary mima kramy «Galas» u bok balnicy.
Na vyjeździe z dvarovaj terytoryi ŭ bok aŭtamabila zajechaŭ viełasipiedyst. Dzicia stuknułasia, aŭtamabil atrymaŭ paškodžańni ŭ rajonie piaredniaha kryła, paškodžany i rovar.
U miescy, dzie zdaryłasia DTZ, bačnaść abmiežavanaja vysokim budynkam i płotam.
Dzicia, pa słovach baćki, atrymała ŭdary, jaho ahledzieli ŭ balnicy, i ŭ toj ža dzień chłopčyka zabrali dadomu.
«Ja napisaŭ, što pretenzij da kiroŭcy nie maju nijakich», — skazaŭ baćka.
Jon taksama raspavioŭ, što jeździŭ z načalnikam milicyi da ekśpierta ŭ Pinsk aceńvać paškodžańni aŭtamabila.
